Ապատեղեկատվություն՝ Դանիել Իոաննիսյանի մասին

11.09.2018 | 16:54

Ֆեյսբուքի հայաստանյան տիրույթում վերջին ամիսներին գրանցվել են բազմաթիվ նոր սոցիալական էջեր։ Դրանք մեծամասամբ կրում են ոչ թե ժամանցային, այլ քարոզչական բնույթ։ Հայտնվել են «ԱԱԾ», «Ոստիկանություն», «ՀՔԾ» և այլ պետական կառույցների անուններ կրող, սակայն բնույթով կեղծ էջեր։

Նմանօրինակ սոցիալական էջերից է «հեղափոխական» «Դուխով Հայաստան» էջը, որն իրականում զբաղված է բոլորովին այլ քարոզչությամբ։

Հրապարակումներից մեկը «Իրազեկ քաղաքացիների միավորում» ՀԿ համակարգող Դանիել Իոաննիսյանի մասին է։

Այսպես, կցելով Իոաննիսյանի և Հայաստանի ազգային հերոս Մոնթե Մելքոնյանի լուսանկարները՝ էջը գրում է«Մոնթե Մելքոնյանը եղել է Մոսկվայի լրտեսը և առաքելություն ուներ ադրբեջանցի եղբայրներին թշնամացնել հայերի հետ»։ Այս խոսքերը վերագրվում են Իոաննիսյանին։

Մի կողմ թողնելով հրապարակման բարոյական կողմը, նշենք, որ Իոաննիսյանը երբևէ նման հայտարարություն չի արել։ Ավելին, Իոաննիսյանը  բազմիցս հանդես է եկել Երևանում Մոնթեի անունով փողոց անվանակոչելու առաջարկությամբ։

Ի դեպ, վերջերս այս էջը հանդես էր եկել բռնության կոչով։ Ներկայանալով կառավարության անունից՝ էջի քարոզիչները կոչ էին արել քաղաքացիներին սառը զենքերով՝ դանակներով, այցելել հանրահավաքներին և Հանրապետական կուսակցության անդամների տեսնելիս «անցնել գործի»։






Կարդացեք նաև։

Համացանցում տարածվում են ԲՀԿ-ի մասին կեղծ տեսանյութեր

Հեղափոխությունից հետո համացանցում կեղծ օգտատերերի և լրատվական էջերի կտրուկ աճ արձանագրվեց։ Դրանք մեծամասամբ կրում են լրատվական և/կամ քաղաքական բնույթ։ Վերջիններս որևէ կերպ սահմանափակված չեն ո՛չ ԶԼՄ-ների մասին օրենքով և ո՛չ…


«Կենտրոն»-ի մանիպուլյացիան՝ ավագանու ընտրությունների մասին

Ընտրական քարոզարշավի շրջանակներում «Կենտրոն» հեռուսատընկերության ռեպորտաժներից մեկում լրագրողը ներկայացրեց «Գելափ ինթերնեյշնըլ ասոցիացիա»-ի հարցումների արդյունքները։ Դրանք վերաբերում էին Երևանի ավագանու ընտրություններին։ Հատկանշանական է, թե ինչպես են մեկնաբանվում հարցման արդյունքները հեռուստաընկերության և…


Հրապարակվել են ԱԱԾ «չափազանց» կեղծ փաստաթղթեր

Արդեն մի քանի օր է` համացանցում ակտիվորեն շրջանառվում են վարչապետ Նիկոլ Փաշինյանի` իբր Ազգային անվտանգության ծառայության գործակալ լինելու մասին տեղեկություններ։ Ու թեև առաջին իսկ հայացքից երևում է, որ հրապարակված փաստաթղթերը…


Դուխով, Nikol’s, Նիկոլ արքա. թավշյա հեղափոխության խորհրդանիշերը սեփականաշնորհվում են

2018 թվականի մարտ ամսից մեկնարկած «Իմ քայլը» նախաձեռնությունը վերաճեց մեծ շարժման, որի արդյունքում Հայաստանում մայիս ամսին իշխանափոխություն տեղի ունեցավ: Այդ ողջ գործընթացում շարժման մի քանի խորհրդանիշ ստեղծվեց՝ «դուխով», «քայլ արա»…