Գեղամ Մանուկյանը կոչ է անում օրենք խախտել

20.08.2018 | 14:42

Օրերս պաշտոնաթող նախագահ Ռոբերտ Քոչարյանն իր երկրորդ հարցազրույցը տվեց դաշնակցական Գեղամ Մանուկյանին։ Քոչարյանն իր բողոքը հայտնեց նախաքննության գաղտնի լինելու հետ կապված՝ ասելով. «Եթե դուք՝ լրագրողներով, հասնեք նրան, որ այդ քրեական գործի նախաքննական գաղտնիքը հանվի՝ մենք շատ ազատ կարող ենք խոսել բոլոր դրվագներով, առարկայական։ Դա նաև ազատություն կտա փաստաբաններին։ Մենք կարող ենք ամբողջ դատաքննության ընթացքի ձայնագրությունը հրապարակել»։

Սրան ի պատասխան, հարցազրուցավարը Քոչարյանին առաջարկեց «ոչ պաշտոնական» հրապարակել այդ ձայնագրությունը։

Նկատենք, որ նախաքննության գաղտնիությունն ինքնանպատակ չէ։ Նախաքննական գաղտնիության չպահպանման պայմաններում քրեական գործի լրիվ և օբյեկտիվ հետազոտման օրենսդրական պահանջը չի կարող արդյունավետ իրականացվել, իսկ նախնական քննության խնդիրները չեն կարող արդյունավետ լուծում ստանալ։ Այլ կերպ ասած, բազմակողմանի և օբյեկտիվ քննության համար անհրաժեշտ է գաղտնիություն։

Նախաքննության տվյալների հրապարակման անթույլատրելիությունն ամրագրված է նաև Քրեական դատավարության և Քրեական օրենսգրքերում։

Այսպես, Քրեական օրենսգրքի 342 հոդվածը սահմանում է. «Առանց դատախազի, քննիչի կամ հետաքննություն կատարող անձի թույլտվության` նախաքննության կամ հետաքննության տվյալները հրապարակելը` պատժվում է տուգանքով` նվազագույն աշխատավարձի հարյուրապատիկից երեքհարյուրապատիկի չափով, կամ կալանքով` առավելագույնը մեկ ամիս ժամկետով»։

Այսպիսով Գեղամ Մանուկյանը կոչ է անում հանցագործություն կատարել։ Բացի այս, Մանուկյանը մարտի 1-ի գործի հետ կապված որոշակի մանիպուլյացիոն հայտարարություններ է արել։

«Կա հանրային կարծիք, որ եթե իշխանությունը չհայտարարեր արտակարգ դրություն՝ չէր լինի մարտի 1», – ասել է Մանուկյանը` հավելելով. «Ի վերջո, ի՞նչը մղեց նախագահ Քոչարյանին մարտի 1-ին արտակարգ դրություն հայտարարել»։

Արտակարգ դրություն հայտարարելը կապված չի եղել ողբերգական դեպքերի հետ, քանի որ այն հայտարարվել է դրանցից հետո կամ առավելագույնը այդ դեպքերի ընթացքում։ Վերականգնելով իրադարձությունների քրոնիկոնը` տեսնում ենք, որ մարտի 1-ի վաղ առավոտյան ներքին զորքերը, իրավապահ այլ մարմինների հետ միասին, ուժ էին կիրառել Ազատության հրապարակի վրաններում քնած ցուցարարների հանդեպ, ձերբակալվել էին ընդդիմության տարբեր ներկայացուցիչներ, իսկ ընդդիմության ղեկավար Լևոն Տեր-Պետրոսյանը տեղափոխվել էր իր առանձնատուն։

«Թատերական հրապարակը մաքրելուց հետո», ինչպես հայտարարել էր Ռոբերտ Քոչարյանը, ցուցարարները սկսել էին հավաքվել Մյասնիկյանի արձանին հարող տարածքում։ Ավելի ուշ սկսվել էին բախումները, որոնց արդյունքում զոհվեց 10 և վիրավորվեց ավելի քան 300 մարդ։ Միայն այս ժամանակ է ստորագրվել արտակարգ իրավիճակ հայտարարելու հրամանագիրը։ Այլ կերպ ասած` Գեղամ Մանուկյանի այն միտքը, որ «եթե չմտցնվեր արտակարգ դրություն՝ չէր լինի մարտի 1», ճիշտ չէ և աղավաղում է հանրային կարծիքը։

 

Ռաֆայել Աֆրիկյան

 






Կարդացեք նաև։

Քոչարյանը դիմել է լոբբիստական ծառայության օգնությանը

ՀՀ երկրորդ նախագահ Ռոբերտ Քոչարյանը համագործակցում է բրիտանական լոբբիստական ընկերության հետ: Այս մասին համացանցում ինֆորմացիա տարածեց medium.com կայքը՝ նշելով, որ Մակրոն-Փաշինյան հանդիպումից առաջ երկու  եվրոպական կայքեր հոդվածներ էին հրապարակել, որոնցում…


Վաչագան Ղազարյանի գումարների վերադարձման մասին լուրը կեղծ է

«Հրապարակ» թերթը իր հերթական համարում անդրադարձել է Սերժ Սարգսյանի թիկնազորի նախկին պետ Վաչագան Ղազարյանին՝ գրելով, որ վերջինիս գումարները ետ են վերադարձվել։ Հղում անելով անհայտ «տեղեկությունների»՝ թերթը գրում է․ «Օրերս հետ…


ՀՀԿ-ն իշխանություն էր նաև մինչև 2008-ը

Հանրապետական կուսակցության փոխնախագահ Արմեն Աշոտյանը Ազգային ժողովի հերթական նիստից հետո լրագրողների հետ զրույցում, խոսելով պաշտպանության նախկին նախարար Միքայել Հարությունյանի՝ 2002 թվականից Ռուսաստանի քաղաքացի լինելու հանգամանքի մասին, առաջարկեց չհարցնել այդ մասին…


0038 հրամանով հղում է արվում ընտրությունների արդյունքներին, որոնք դեռ չկային

Հատուկ քննչական ծառայության պետ Սասուն Խաչատրյանը, վերջերս խոսելով մարտի 1-ի գործի վերաբերյալ, որոշակի բացահայտումներ է արել գործի հետ առնչություն ունեցող հույժ գաղտնի 0038 հրամանի մասին: 2008 թվականին պաշտպանության նախարարի պաշտոնը…