Առողջապահության նախարարի խոսնակն այլ մարդ է. ապատեղեկատվություն է տարածվում

19.07.2018 | 15:31

Հուլիսի 18-ից ֆեյսբուք սոցիալական ցանցում օգտատերերը ակտիվորեն տարածում են «arenanews.am» անվանումով կայքում տեղ գտած մի հրապարակում, որը վերնագրված է այսպես. «Առողջապահության նախարարի խոսնակը պաշտպանում է համասեռամոլությունը»: Հղումով անցնելուց հետո վերնագրից բացի տեսանյութ էլ կա, որը հրապարակվել է «Հելսինկայան ասոցիացիա» իրավապաշտպան կազմակերպության յութուբյան ալիքում 2017 թվականի մայիս 18-ին: Տեսանյութում լրագրող, սյունակավար ներկայացած Լյուսի Քոչարյանը խոսում է հոմոֆոբիայի վերաբերյալ լսած միֆերի մասին:

Նկատենք, որ Արսեն Թորոսյանի նշանակումից հետո մամուլում շրջանառվել է Լյուսի Քոչարյանի անունը որպես մամուլի խոսնակի թեկնածու, սակայն նա այդպես էլ չի նշանակվել խոսնակ: ՀՀ առողջապահության նախարար Արսեն Թորոսյանի մամուլի քարտուղարը Լիանա Եղիազարյանն է:

«Arenanews.am»-ի հրապարակման հղումով անցնելուց հետո վերնագիրը ստանում է այս տեսքը. «Առողջապահության նախարարի նախկին թեկնածու(ն) պաշտպանում է համասեռամոլությունը»: Վերնագրի սկզբնական տարբերակով հրապարակումը ֆեյսբուք սոցիալական ցանցում գովազդվում էր կայքի անունով ֆեյսբուքյան էջի կողմից: Համաձայն այդ կայքի տվյալների՝ նյութի դիտումները գերազանցել են 18 հազարի շեմը:

Նշենք նաև, որ վերը նշված կայքում տեղեկություններ չկան ինչպես կայքի, այնպես էլ խմբագրակազմի մասին: Կայքի հետ հնարավոր չէ նաև հեռախոսակապ հաստատել:

Հուլիսի 13-ին մեր ֆեյսբուքյան էջում անդրադարձել էինք մի կեղծ տեղեկության տարածմանը, որը վերաբերում էր վարչապետ Նիկոլ Փաշինյանի դիմանկարով 1 մլն դրամ արժողությամբ մետաղադրամ թողարկելուն: Ապատեղեկատվությունը տարածվել էր նույն «arenanews.am»-ի ֆեյսբուքյան էջով:

Տիրայր Մուրադյան






Կարդացեք նաև։

«Արմենիա» հեռուստաընկերությունը թիրախավորել է Արսեն Թորոսյանին

Առողջապահության նախարարը մամուլում ամենաքննարկվող և քննադատվող նախարարներից է: Նրա վերաբերյալ ապատեղեկատվությունները ևս լայնորեն տարածվում են համացանցում՝  հասարակական կարծիքի վրա անմիջական ազդեցություն թողնելու նպատակով: Վերջերս «Արմենիա» հեռուստաընկերության «Սուր անկյուն» հաղորդման ժամանակ…


Համացանցում տարածվում են ԲՀԿ-ի մասին կեղծ տեսանյութեր

Հեղափոխությունից հետո համացանցում կեղծ օգտատերերի և լրատվական էջերի կտրուկ աճ արձանագրվեց։ Դրանք մեծամասամբ կրում են լրատվական և/կամ քաղաքական բնույթ։ Վերջիններս որևէ կերպ սահմանափակված չեն ո՛չ ԶԼՄ-ների մասին օրենքով և ո՛չ…


Լրատվամիջոցը պարբերաբար թիրախավորում է նույն մարդկանց

Վերջին օրերին մի շարք լրատվական կայքեր հանդես են գալիս ուշագրավ հրապարակումներով։ Տարածվող նյութերը պարունակում են ոչ միայն բացահայտ ապատեղեկատվություն, այլև լրատվական էթիկայի խախտումներ։ Այսպես, politik.am-ը, առանց որևէ լրատվական առիթի, անդրադարձավ…


«Իրատես» թերթը ապատեղեկատվություն է տարածում

«Իրատես» թերթն իր հերթական համարում անդրադարձել է ոստիկանապետ Վալերի  Օսիպյանին՝ մատնանշելով նրա օրոք ոստիկանությունում տիրող «խնդրահարույց իրավիճակը»։ Խոսքը մասնավորապես վերաբերում է ոստիկանությունում սկսված կադրային արտահոսքին։ Թերթի տեղեկություններով` ճանապարհային ոստիկանության աշխատակիցների…