Քաղաքապետարանի՝ 107 մլն դրամանոց մրցույթը հաղթած ընկերությունն ունի ընդամենը 3 աշխատող

27.06.2018 | 11:53

Ընթացիկ տարում Երևանի քաղաքապետարանը և «Արա-Արաքս Գրուպ» ՍՊԸ-ն թվով 7 պայմանագիր են կնքել՝ ընդհանուր 107,153,200 դրամ արժողությամբ։ Պայմանագրերով նախատեսվում է մայրաքաղաքի տարբեր հատվածներում շինարարական աշխատանքներ կատարել՝ մանկապարտեզի վերանորոգում, բազմաբնակարան շենքերի տանիքների վերանորոգում, փողոցներում եզրաքարերի վերանորոգում և այլն։

Հատկանշական է, որ ըստ վճարած հարկերի՝ 2018 թվականի փետրվարից սկսած այս ընկերությունում աշխատում է ընդամենը 3 անձ։ Այսինքն, եթե չհաշվենք տնօրենին և հաշվապահին, ապա կստացվի, որ այս հսկա շինարարությունը իրականացնում է 1 մարդ։

Բացատրությունը իհարկե շատ պարզ է։ Ամենայն հավանականությամբ ընկերությունը գործում է ստվերային, իսկ վերջինիս աշխատակիցների հետ որևէ պայմանագիր կնքված չէ։ Նկատենք, որ «Արա-Արաքս Գրուպ» ՍՊԸ-ն գտնվում է Պետական եկամուտների կոմիտեի կողմից կազմված ռիսկային ընկերությունների ցուցակում։ Այստեղ 2017-2018 թթ․ ընթացքում ստուգումներ են իրականացվել։

Ուսումնասիրությունների արդյունքում գերատեսչությունը խախտումներ է նկատել և կազմել համապատասխան ակտ, ըստ որի ընկերությունը պարտավորովում էր վճարել հավելյալ 2,080,000 դրամ։ ՍՊԸ-ն, սակայն, ակտը բողոքարկել է հարկային և մաքսային մարմինների գանգատարկման հանձնաժողով, որն էլ բավարարել էր բողոքը՝ ազատելով ընկերությանը բոլոր տույժերից։

Հավելենք, որ երեկ Պետական եկամուտների կոմիտեն հաղորդագրություն էր տարածել, ըստ որի ստուգումներ էին իրականացվել թվով 3  հանրային սննդի ոլորտում գործող տնտեսվարողների մոտ։ Ստուգումների արդյունքում բացահայտվել է 76 չգրանցված աշխատող: Ընկերությունները տուգանվել են ընդհանուր 45,750,000 դրամով։

Պայմանագրերը կարող եք տեսնել՝ այստեղ։

Ռաֆայել Աֆրիկյան






Կարդացեք նաև։

Երևանի քաղաքապետարանն ու չվերանորոգված տանիքները. յուրացրած 10 մլն դրամի հետքերով

Դեռևս նախորդ տարվա փետրվարի 12-ին Երևանի քաղաքապետարանի և «Աննա 80» ՍՊ ընկերության միջև ստորագրվել են 61,200,000 դրամ արժողությամբ պայմանագրեր, որոնց համաձայն՝ ընկերությունը պարտավոր էր վերանորոգել մայրաքաղաքի մի շարք շենքերի տանիքները։…


Քաղաքապետարանի մրցույթում հաղթել է «սև ցուցակում» գտնվող ընկերությունը, գինը՝ 103 մլն դրամ

Երևանի քաղաքապետարանը 2018 թվականի մարտ ամսին  «Մեծ հիմք»  շինարարական ընկերության հետ 4 պայմանագիր* է կնքել՝ Երևանի թիվ 9, 13, 134,  57  և 96 մանկապարտեզների վերանորոգման նպատակով։ Այս պայմանագրերի ընդհանուր արժեքը…


Քաղաքապետարանում աղավաղում են օրենքը, իսկ «ներքին կանոնակարգ» գոյություն չունի

Փետրվարի 19-ին Երևանի քաղաքապետարանում խոչընդոտվել էր լրագրողների գործունեությունը: Քաղաքապետարանի տեղեկատվության և հասարակայնության հետ կապերի վարչության պետ Արթուր Գևորգյանը պահանջում էր «Ա1+» հեռուստաընկերության և «Ազատություն» ռադիոկայանի լրագրողներին լքել շենքը և դա…


Գոռ Վարդանյանը փրկում է «ահաբեկչի»

Երևանի քաղաքապետ Տարոն Մարգարյանի խորհրդական, կարատեսիտ Գոռ Վարդանյանը, ծավալուն հարցազրույց է տվել վերջերս մեծ աղմուկ բարձրացրած ավագանու նիստին տեղի ունեցած միջադեպի վերաբերյալ, որում բավականին իրարամերժ և անգամ սյուռ պնդումներ է…