Երևանի քաղաքապետարանն ու չվերանորոգված տանիքները. յուրացրած 10 մլն դրամի հետքերով

08.06.2018 | 18:09

Դեռևս նախորդ տարվա փետրվարի 12-ին Երևանի քաղաքապետարանի և «Աննա 80» ՍՊ ընկերության միջև ստորագրվել են 61,200,000 դրամ արժողությամբ պայմանագրեր, որոնց համաձայն՝ ընկերությունը պարտավոր էր վերանորոգել մայրաքաղաքի մի շարք շենքերի տանիքները։

Վարչական շրջանների կոմունալ տնտեսության և բազմաբնակարան շենքերի բաժինների աշխատակիցները, սակայն, պատշաճ չեն կատարել վերը նշված պայմանագրերով նախատեսված ծառայությունների մատուցման տեխնիկական հսկողությունը: Իսկ «Աննա 80» ընկերությունը, օգտվելով ստեղծված իրավիճակից, կազմել է աշխատանքներն ամբողջ ծավալով կատարված լինելու վերաբերյալ կեղծ կատարողականներ, որոնք հաստատվել են վարչական շրջանների վերոնշյալ աշխատակիցների կողմից։ Արդյունքում, ինչպես հաղորդում է Ոստիկանությունը, յուրացվել է 9, 200,000 դրամ:

Նկատենք, որ «Աննա 80» ընկերությունը քաղաքապետարանի «մշտական» գործընկերներից է։ Միայն 2018 թվականի 5 ամիսների ընթացքում ընկերությունը և քաղաքապետարանը կնքել են ավելի քան 143,700,000 դրամ արժողությամբ պայմանագրեր։ Ընդ որում, պետական գնումների էլեկտրոնային armeps հարթակի համաձայն՝ վերջին 2 տարվա ընթացքում այս ընկերությունը շահում է միմիայն քաղաքապետարանի հայտարարած մրցույթները։

Իրավաբանական անձանց պետական ռեգիստրում որպես «Աննա 80» ՍՊ ընկերության սեփականատերեր նշված են Ռազմիկ և Սեդա Վարդերեսյանները։ Ուսումնասիրելով այս անձանց կապը պետական պաշտոնյաների հետ՝ նկատեցինք, որ Ռազմիկ Վարդերեսյանը ազգակցական կապ ունի Վանաձորի ավագանու ՀՀԿ խմբակցության ղեկավար Արմեն Մատինյանի հետ։ Վերջինս մեզ հետ զրույցում հաստատեց տեղեկությունը, սակայն պնդեց, որ մի քանի տարի է՝ իրար չեն տեսել։

Ռաֆայել Աֆրիկյան






Կարդացեք նաև։

Համացանցում տարածվում են ԲՀԿ-ի մասին կեղծ տեսանյութեր

Հեղափոխությունից հետո համացանցում կեղծ օգտատերերի և լրատվական էջերի կտրուկ աճ արձանագրվեց։ Դրանք մեծամասամբ կրում են լրատվական և/կամ քաղաքական բնույթ։ Վերջիններս որևէ կերպ սահմանափակված չեն ո՛չ ԶԼՄ-ների մասին օրենքով և ո՛չ…


SUT.am-ի հետաքննության արդյունքում չեղարկվել են 103 մլն դրամի անօրինական պայմանագրեր

Ամիսներ առաջ անդրադարձանք Երևանի քաղաքապետարանի կատարած բյուջետային գնումներից մեկին։ Պարզվել էր՝ քաղաքապետարանը, գնման ընթացակարգերը չպահպանելով և խախտելով, միլիոնավոր դրամների պայմանագրեր է կնքել։ Այսպես, քաղաքապետարանը մայրաքաղաքի թվով 5 մանկապարտեզների վերանորոգման նպատակով…


«Կենտրոն»-ի մանիպուլյացիան՝ ավագանու ընտրությունների մասին

Ընտրական քարոզարշավի շրջանակներում «Կենտրոն» հեռուսատընկերության ռեպորտաժներից մեկում լրագրողը ներկայացրեց «Գելափ ինթերնեյշնըլ ասոցիացիա»-ի հարցումների արդյունքները։ Դրանք վերաբերում էին Երևանի ավագանու ընտրություններին։ Հատկանշանական է, թե ինչպես են մեկնաբանվում հարցման արդյունքները հեռուստաընկերության և…


Քաղաքապետարանի՝ 107 մլն դրամանոց մրցույթը հաղթած ընկերությունն ունի ընդամենը 3 աշխատող

Ընթացիկ տարում Երևանի քաղաքապետարանը և «Արա-Արաքս Գրուպ» ՍՊԸ-ն թվով 7 պայմանագիր են կնքել՝ ընդհանուր 107,153,200 դրամ արժողությամբ։ Պայմանագրերով նախատեսվում է մայրաքաղաքի տարբեր հատվածներում շինարարական աշխատանքներ կատարել՝ մանկապարտեզի վերանորոգում, բազմաբնակարան շենքերի…