Հերացիում, Էրեբունիում և Փարաքարում անգործությամբ աչքի ընկած ոստիկանները (լուսանկարներ)

05.06.2018 | 11:20

Ապրիլի 13-ից ապրիլի 23-ն ընկած ժամանակահատվածում Երևան քաղաքում և Հանրապետության մյուս համայնքներում տեղի ուենցած զանգվածային բողոքի ակցիաների ժամանակ քաղաքացիների նկատմամբ բռնության մի շարք դեպքեր են տեղի ունեցել, որտեղ ոստիկաններն անգործություն են ցուցաբերել:

Մենք փորձել ենք հնարավոր բոլոր դեպքերը նկարագրող տեսանյութերի և լուսանկարների ուսումնասիրությամբ առանձնացնել բոլոր այն ոստիկաններին, ովքեր անգործություն են ցուցաբերել՝ անուղղակիորեն աջակցելով բռնարարներին:

Երևան քաղաքի Հերացի և Կորյուն փողոցների հատման մասում Մասիսի քաղաքապետ Դավիթ Համբարձումյանի եղբայրը՝ Գոռ Համբարձումյանն իր ընկերների հետ ոստիկանների ներկայությամբ ապրիլի 16-ի առավոտյան ծեծի էր ենթարկել մի շարք անձանց: Տվյալ միջադեպի ժամանակ անգործություն են ցուցաբերել ստորև ներկայացված լուսնակարում պատկերված ոստիկանները:

 

 

Երևան քաղաքի Էրբունի վարչական շրջանում էլ ապրիլի 22-ին բժշկական դիմակներով դեմքերը փակած հարյուրավոր քաղաքացիներ մահակներով ծեծի են ենթարկել խաղաղ ցուցարարների, էլեկտրահարել նրանց: Տարածքում ոստիկանության ծառայողների  բացակայության և ներկայության պայմաններում դիմակավորված անձանց վարքագիծը չի փոխվել, քանի որ ոստիկանությունը միայն փորձում էր բաժանողի դեր կատարել, հաճախ էլ՝ դիտորդի: Ստորև ներկայացված լուսնակարներում էլ պատկերված են Էրեբունիում անգործությամբ աչքի ընկած ոստիկանության ծառայողները: Էրեբունու միջադեպի ժամանակ ոստիկանության ծառայողներ գրեթե չկային հետևաբար մենք ընդամենը մի քանի ոստիկանի անգործություն ենք արձանագրել, և լրացուցիչ պարզաբանման կարիք ունի այն հարցը, թե որտե՞ղ էին ոստիկանները, երբ հարյուրից ավել հոգուց բաղկացած հանցախումբ էր ձևավորվել և բռնություն գործադրել խաղաղ ցույցի մասնակիցների հանդեպ:

Ապրիլի 21-ին Երևան-Էջմիածին ճանապարհի Փարաքար գյուղի վարչական տարածքում ՀՀԿ-ական նախկին պատգամավոր Առաքել Մովսիսյանի կողմնակիցներն են բռնություն գործադրել դեպի Երևան երթով շարժվող ցուցարարների նկատմամբ: Մինչ բռնություն գործադրելը ոստիկանների լուռ աջակցության արդյուքնում Առաքել Մովսիսյանի կողմնակիցները խոչընդտում էին երթի մասնակիցների ազատ տեղաշարժը: Ստորև ներկայացված լուսանկարներում առանձնացրել ենք այդ օրը անգործության մատնված ոստիկաններին:






Կարդացեք նաև։

«Իրատես» թերթը ապատեղեկատվություն է տարածում

«Իրատես» թերթն իր հերթական համարում անդրադարձել է ոստիկանապետ Վալերի  Օսիպյանին՝ մատնանշելով նրա օրոք ոստիկանությունում տիրող «խնդրահարույց իրավիճակը»։ Խոսքը մասնավորապես վերաբերում է ոստիկանությունում սկսված կադրային արտահոսքին։ Թերթի տեղեկություններով` ճանապարհային ոստիկանության աշխատակիցների…


Դուխով, Nikol’s, Նիկոլ արքա. թավշյա հեղափոխության խորհրդանիշերը սեփականաշնորհվում են

2018 թվականի մարտ ամսից մեկնարկած «Իմ քայլը» նախաձեռնությունը վերաճեց մեծ շարժման, որի արդյունքում Հայաստանում մայիս ամսին իշխանափոխություն տեղի ունեցավ: Այդ ողջ գործընթացում շարժման մի քանի խորհրդանիշ ստեղծվեց՝ «դուխով», «քայլ արա»…


Ինչպես են գործել կոռուպցիոն սխեմաները Վլադիմիր Գասպարյանի պաշտոնավարման տարիներին

Երևան քաղաքի Կոմիտասի պողոտայի և Վաղարշյան փողոցների հատման մասում արդեն կառուցվել է հերթական բազմահարկ բնակելի շենքը: Խորհրդային միության տարիներին տվյալ տարածքում կառուցվել էր կարի ֆաբրիկա, որը հետագայում դարձավ ՀՀ ոստիկանության…


Առաքել Մովսիսյանի հրահանգով ճանապարհ փակողների ինքնությունը հայտնի է (ՏԵՍԱՆՅՈՒԹ)

«Իմ քայլը» նախաձեռնության կողմից ապրիլի 13-ից Երևան քաղաքում սկսված զանգվածային հավաքների մասնակիցների իրավունքները սահմանափակելու փորձեր արվել են ոչ միայն Երևանի քաղաքապետ Տարոն Մարգարյանի թիմակիցների կողմից, այլ նաև մեկ այլ ՀՀԿ-ական,…