Առաքել Մովսիսյանի հրահանգով ճանապարհ փակողների ինքնությունը հայտնի է (ՏԵՍԱՆՅՈՒԹ)

16.05.2018 | 10:30

«Իմ քայլը» նախաձեռնության կողմից ապրիլի 13-ից Երևան քաղաքում սկսված զանգվածային հավաքների մասնակիցների իրավունքները սահմանափակելու փորձեր արվել են ոչ միայն Երևանի քաղաքապետ Տարոն Մարգարյանի թիմակիցների կողմից, այլ նաև մեկ այլ ՀՀԿ-ական, նախկին պատգամավոր Առաքել Մովսիսյանի:

Ապրիլի 21-ին Արմավիրի մարզից դեպի Երևան եկող ճանապարհը փակել և «Իմ քայլը» նախաձեռնության հավաքների մասնակցողների համար խոչընդոտներ է ստեղծել Առաքել Մովսիսյանն իր թիմով: Նախկին պատգամավորի հորդորներով Փարաքար համայնքի վարչական տարածքում՝ Ճանապարհային ոստիկանության հենակետի դիմաց, նրա համակիրները մեքենաներով փակել էին Երևան-Էջմիածին ճանապարհը: Տեղում աշխատող լրագրողների հարցերին ի պատասխան Առաքել Մովսիսյանն ասել էր, որ ճանապարհը փակել են, որպեսզի մարդիկ կարողանան աշխատանքի գնալ:

Մեզ հաջողվել է պարզել Առաքել Մովսիսյանի աջակիցներից մի քանիսի ինքնությունը, ովքեր մասնակցել են խաղաղ երթի մասնակիցների տեղաշարժը խոչընդոտելու գործողությանը: Նրանք են՝ Վարդան Հայրապետյանը Արմավիրի մարզի Մերձավան գյուղից, ով hայտնի է նաև «Ծուռ» մականունով, Արմավիրի մարզի Բաղրամյան համայնքի ղեկավար Գոռ Միրզոյանի եղբայր Մարատ Միրզոյանը, ինչպես նաև նույն համայնքի բնակիչներ Գագիկ Հովսեփյանը և Էդմոն Հարությունյանը:

Նշենք, որ հավաքի մասնակիցների տեղաշարժը խոչընդոտելու ողջ գործընթացը տեղի է ունեցել ոստիկանության ծառայողների ներկայությամբ, իսկ Առաքել Մովսիսյանի կողմնակիցների գործողությունները զուգորդվել են սեռական բնույթի հայհոյանքների օգտագործմամբ, որոնք լսվում են տեսանյութում:






Կարդացեք նաև։

Տարոն Մարգարյանի օգնականը, գազանանոցի փոխտնօրենը և այլք. Ավանի հանցախումբը (Մաս 2)

              Նախորդ շաբաթ գրել էինք, որ Երևանի Ավան վարչական շրջանի աշխատակազմի աշխատակիցները, համատիրությունների նախագահները և երիտհանրապետականները ուղղակի դիտավորությամբ վնասել են քաղաքացիների մեքենաները, որոնք ուղևորվում…


Ավանում մեքենաներ ջարդած և մարդկանց ծեծի ենթարկած խումբը կապված է Տարոն Մարգարյանի հետ (լուսանկարներ)

Ապրիլի 22-ին կեսօրից հետո Երևանի Ավան վարչական շրջանում՝ Աճառյան փողոցի վրա, մի խումբ դիմակավորված անձինք նախ փակել են Երևանի կենտրոն տանող ճանապարհը, իսկ դիմադրություն ցույց տված անձանց մեքենաները մահակներով, քարերով…


ՀՔԾ-ի տարօրինակ մեղադրանքը Արմեն Գրիգորյանին

«Մերժիր Սերժին» նախաձեռնության համակարգող Արմեն Գրիգորյանը ձերբակալվել է անօրինական հավաքներ անցկացնելու, կազմակերպելու և զանգվածային անկարգություններին մասնակցելու կասկածանքով։ Այդ մասին հաղորդագրությամբ հայտնում է Հայաստանի հատուկ քննչական ծառայությունը։ Ուշագրավ է Արմեն Գրիգորյանին…


Խաղաղ հավաքները կարող են սահմանափակել այլոց իրավունքները` ի հեճուկս Արմեն Սարգսյանի

Հայաստանի երրորդ նախագահ և ՀՀԿ ղեկավար Սերժ Սարգսյանի կողմից ՀՀ-ի՝ խորհրդարանական կառավարման անցնելուց հետո վարչապետ դառնալու հավակնություն չունենալու մասին իր խոսքը դրժելու և երրորդ անգամ երկրի կառավարումը ստանձնելու դեմ ՀՀ…