Մեքենաների համարանիշերը հանելու «մոդան» ոստիկանությունից է սկսվել

26.04.2018 | 20:25

Ոստիկանությունը հաղորդագրություն է տարածել, որ ապրիլի 25-ի գիշերը ճանապարհային ոստիկանությունը մայրաքաղաքում հայտնաբերել և հատուկ պահպանվող տարածք է տեղափոխել առանց հաշվառման համարանիշների երթևեկող 18 ավտոմեքենա, որոնց վարորդների նկատմամբ կազմվել է վարչական իրավախախտման վերաբերյալ արձանագրություն։

Վերջին օրերին հաճախ կարող ենք տեսնել ցուցարարների, որոնք ավտոերթեր են կազմակերպում և տուգանքներից խուսափելու նպատակով փակում, կամ հանում են մեքենաների հաշվառման համարանիշները։ Այս երևույթի անթույլատրելիության մասին հայտարարել է նաև ընդդիմության առաջնորդ Նիկոլ Փաշինյանը՝ կոչ անելով ցուցարարներին հետևել օրենքի տառին։ Կոչին միացել է նաև ոստիկանությունը՝ հորդորելով պահպանել երթևեկության կանոները։

Նկատենք, սակայն, որ այս օրերին առանց հաշվառման համարանիշների ավտոմեքենաների մի մասի ղեկերին հենց ոստիկաններն էին, որոնք էլ դեռևս ապրիլի 16-ին սկիզբ դրեցին այդ «նորաձևությանը»։

Ներկայացնում ենք առանց հաշվառման համարանիշների ոստիկանական մեքենաների լուսանկարներն ու տեսանյութերը։ Բոլոր կադրերում պատկերված մեքենաներում կամ համազգեստով ոստիկաններ էին, կամ ոստիկանական համազգեստի պարագաներ: Մեր լրագրողների հարցադրումներին ի պատասխան ոստիկանները կամ փակում էին մեքենաների պատուհանները, կամ, լավագույն դեպքում, հայտնում էին, որ «համարները կորցրել են»:

previous arrow
next arrow
ArrowArrow
Slider





Կարդացեք նաև։

Քոչարյանը դիմել է լոբբիստական ծառայության օգնությանը

ՀՀ երկրորդ նախագահ Ռոբերտ Քոչարյանը համագործակցում է բրիտանական լոբբիստական ընկերության հետ: Այս մասին համացանցում ինֆորմացիա տարածեց medium.com կայքը՝ նշելով, որ Մակրոն-Փաշինյան հանդիպումից առաջ երկու  եվրոպական կայքեր հոդվածներ էին հրապարակել, որոնցում…


«Իրատես» թերթը ապատեղեկատվություն է տարածում

«Իրատես» թերթն իր հերթական համարում անդրադարձել է ոստիկանապետ Վալերի  Օսիպյանին՝ մատնանշելով նրա օրոք ոստիկանությունում տիրող «խնդրահարույց իրավիճակը»։ Խոսքը մասնավորապես վերաբերում է ոստիկանությունում սկսված կադրային արտահոսքին։ Թերթի տեղեկություններով` ճանապարհային ոստիկանության աշխատակիցների…


Նոր Գյուղում ավելի շատ վարորդական վկայական է տրամադրվել, քան Երևանում (վիճակագրություն)

Վերջին տարիներին Հանրապետությունում աճել է ավտոմեքենաների քանակը։ Դրան զուգահեռ ավելացել են վարորդները, հաճախացել են ճանապարհատրանսպորտային պատահարները։ Դատելով տարեկան արձանագրվող ճանապարհատրասնպորտային պատահարների քանակից, ինչպես նաև արձանագրված տուգանքների քանակից՝ կարելի է եզրակացնել,…


Ապատեղեկատվություն` «Կենտրոն» հեռուստաընկերության տաղավարից

Oգոստոսի 28-ին «Ուրվագիծ» հաղորդման հյուրերն էին նախկին ոստիկանապետ Վլադիմիր Գասպարյանի նախկին խորհրդական Նարեկ Մալյանը և ֆեյսբուքյան ակտիվ օգտատեր Արթուր Դանիելյանը։ Վերջիններս մինչ հեղափոխությունը զբաղվում էին Սերժ Սարգսյանի և Հանրապետական կուսակցության քարոզչությամբ,…