Ասյա Խաչատրյանը Ադրբեջանում չի եղել՝ հակառակ Գառնիկ Իսագուլյանի

01.04.2018 | 01:04

Փետրվարի 1-ից 3-ը Արցախի ոստիկանների կողմից բռնության և անհարգալից վերաբերմունքի արժանացած ՀՀ քաղաքացի, 19-ամյա Ասյա Խաչատրյանի մասին Հայաստանում Արցախի մշտական ներկայացուցչության խորհրդական-խորհրդատու Գառնիկ Իսագուլյանը կեղծ տեղեկություն է ներկայացրել ԶԼՄ-ներին:

Իսագուլյանը մարտի 28-ին «Հայելի» մամուլի ակումբում լրագրողների հետ հանդիպման ժամանակ հայտարարել էր, որ Ասյա Խաչատրյանն անձամբ իր համար նորություն չէ, ապա նշել էր. «Ես գտնում եմ, որ այդ հարցում ինքս թերացել եմ, որովհետև ժամանակին ինձ ասվել է, ցավոք սրտի մենք չկարողացանք դա ապացուցել, չճշտված տեղեկություն է այն, որ հաճախ Թբիլիսի կատարած այցերի ժամանակ մեր, այսպես կոչված, ազատատենչ աղջիկն իր ընկերուհու հետ մի քանի անգամ եղել է Բաքվում: Թբիլիսիով միշտ ավելի հեշտ է Բաքու գնալ՝ առանց համապատասխան նշումների: Անակնկալ կերպով նա հայտնվում է Արցախում: Ոստիկանների հետ միջադեպը տեղի է ունեցել փետրվարի 1-3-ը և միջադեպը միանգամայն այլ բնույթ է ունեցել»:

Այժմ փաստերով: ՀՀ քաղաքացիները, որոնք այս կամ այն պատվիրակության կազմում եղել են երբևէ Ադրբեջանի մայրաքաղաք Բաքվում արդեն փաստել են, որ մուտք գործելով Ադրբեջան անձնագրում որևէ նշում կամ կնիք չի դրվում: Այդուհանդերձ Վրաստանի պետական սահմանը հատելուց վրացի սահմանապահները քաղաքացիների անձնագրերում դնում են երկիրը լքելու (և ապա մտնելու) փաստն արձանագրող կնիք: Այսինքն արձանագրվում է, որ քաղաքացին հատեց Վրաստանի պետական սահմանը:

Վրաստանի ցամաքային սահմանային գործող անցակետերը թվով 10-ն են, 2-ը՝ վրաց-թուրքական (Վալե, Սարպի), 3-ը՝ վրաց-ադրբեջանական (Ցոդնա, Վախտանգիսի, Ցիտելի Խիդի կամ «Կրասնի մոստ»), 4-ը՝ վրաց-հայկական (Բավրա, Գոգավան, Բագրատաշեն և Պրիվոլնոյե) և 1-ը՝ վրաց-ռուսական(Դարիալի կամ Վերին Լարս): Եթե Ասյա Խաչտրյանը որոշած լիներ, որ Վրաստան այցելելով պետք է գնա նաև Ադրբեջան, ապա նրա անձնագրում առնվազն պետք է նշում լիներ այն մասին, որ հատել է Վրաստանը սահմանը Ցոդնա, Վախտանգիսի կամ Ցիտելի Խիդի անցակետերով:

Ասյա Խաչատրյանը մեզ տրամադրեց իր անձնագրի բոլոր էջերի լուսանկարները՝ տալով դրանք հրապարակելու համաձայնություն: Կից ներկայացված լուսանկարներում երևում է, որ Ասյա Խաչատրյանը ոչ միայն Վրաստանում է եղել, այլ նաև ՌԴ-ում և Արաբական Միացյալ Էմիրություններում: Ասյա Խաչատրյանի անձնագրում առկա կնքիների ուսումնասիրությամբ կարող ենք փաստել, որ նա վրաց-ադրբեջանական սահմանը չի հատել: Անձնագրում առկա կնիքների վերծանումը փաստում է, որ Խաչատրյանը հայ-վրացական սահմանը հատել է Բագրատաշենի, Գոգավանի անցակատերից, ռուս-վրացական սահմանը հատել է Վերին Լարսի անցակետում, ինչպես նաև Վնուկովո օդանավակայանից ինքնաթիռով ժամանել է Թբիլիսի: Ասյա Խաչատրյանը մեկ անգամ էլ Զվարթնոց օդանավակայանից ինքնաթիռով գնացել է ԱՄԷ և վերադարձել:

previous arrow
next arrow

Անձնագրի բոլոր էջերի սքան-պատճենը կարելի է գտնել այստեղ:






Կարդացեք նաև։

Կարպիս Փաշոյանի դեմ մեդիա-տեռորը փորձարկվել է նաև Նիկոլ Փաշինյանի դեմ

Ժամանակակից լրատվությունը սահմանակցում է մի կողմից պրոպագանդայի, մյուս կողմից մանիպուլյացիայի հետ։ Մեդիայի նպատակը հաճախ մի փոքր այլ է, քան օբյեկտիվ տեղեկության մատակարարումը։ Հաճախ այն կարծիքի ստեղծման, կարծրատիպեր կոտրելու, այս կամ…


Ինչպես են գործել կոռուպցիոն սխեմաները Վլադիմիր Գասպարյանի պաշտոնավարման տարիներին

Երևան քաղաքի Կոմիտասի պողոտայի և Վաղարշյան փողոցների հատման մասում արդեն կառուցվել է հերթական բազմահարկ բնակելի շենքը: Խորհրդային միության տարիներին տվյալ տարածքում կառուցվել էր կարի ֆաբրիկա, որը հետագայում դարձավ ՀՀ ոստիկանության…


Հերացիում, Էրեբունիում և Փարաքարում անգործությամբ աչքի ընկած ոստիկանները (լուսանկարներ)

Ապրիլի 13-ից ապրիլի 23-ն ընկած ժամանակահատվածում Երևան քաղաքում և Հանրապետության մյուս համայնքներում տեղի ուենցած զանգվածային բողոքի ակցիաների ժամանակ քաղաքացիների նկատմամբ բռնության մի շարք դեպքեր են տեղի ունեցել, որտեղ ոստիկաններն անգործություն…


Դատախազի սուտը քաղբանտարկյալների ու միջազգային կառույցների դիրքորոշման մասին

Օրեր առաջ լրատվամիջոցների հետ զրույցում Հայաստանի գլխավոր դատախազ Արթուր Դավթյանը հայտարարեց, որ «Ամեն դեպքում որևէ միջազգային կառույցի կողմից մինչ այսօր ինձ հայտնի չի փաստ, որ որևէ մեկը ճանաչված լինի քաղբանտարկյալ՝…