Արմեն Սարգսյանը խախտել է Սահմանադրությունն ու «Քաղաքացիության մասին» օրենքը

14.02.2018 | 17:22

Ինչպես հայտնել էինք, Հայաստանի 4-րդ նախագահի թեկնածուի հավակնորդ Արմեն Սարգսյանը եղել է Մեծ Բրիտանիայի քաղաքացի։ Նա կնոջ՝ Նունե Սարգսյանի և որդիներ՝ Վարդան և Հայկ Սարգսյանների հետ գրանցված է եղել Լոնդոնի Վեսթմինսթեր թաղամասում: Սա հաստատել է նաև ինքը Սարգսյանը՝ նշելով, որ բրիտանական քաղաքացիություն իրեն անհրաժեշտ էր գործնական ճանապարհորդությունների համար։

Մեզ հետ զրույցում, Արմեն Սարգսյանի գրասենյակի մամուլի քարտուղար Հասմիկ Պետրոսյանը հայտնեց, որ նախագահի թեկնածուն 2002-2011թթ․ ընթացքում ունեցել է երկքաղաքացիություն․  նա հանդիսացել է և ՛ Հայաստանի, և ՛ Մեծ Բրիտանիայի քաղաքացի։

Նկատենք, սակայն, որ 1995 թվականի նոյեմբերի 6-ին Ազգային ժողովի կողմից ընդունած «Քաղաքացիության մասին» ՀՀ օրենքով սահմանվում է, որ Հայաստանի Հանրապետության քաղաքացին միաժամանակ չի կարող լինել այլ պետության քաղաքացի: Նույնը նաև հստակ արգելում էր 1995 թվականի Սահմանադրության 14-րդ հոդվածը:

Սահմանադրությունից այդ արգելքը հանվել է 2005 թվականի փոփոխություններով, իսկ «Քաղաքացիության մասին» ՀՀ օրենքից արգելքը հանվել է միայն 2007 թվականին։ Այլ կերպ ասած, մինչև 2007 թվականի մարտի 24-ը Հայաստանի քաղաքացիներին արգելվել է միաժամանակ լինել այլ պետության քաղաքացի:

Այսինքն, Արմեն Սարգսյանը խախտել է «Քաղաքացիության մասին» օրենքն ու Սահմանադրությունը՝ ապօրինաբար 5 տարի շարունակ (2002-2007 թթ) միաժամանակ լինելով Հայաստանի և Մեծ Բրիտանիայի քաղաքացի:

Հավելենք նաև, որ Արմեն Սարգսյանը խախտել է «Հանրային ծառայության մասին» ՀՀ օրենքը և 2013 թվականին դեսպանի պաշտոնը ստանձնելիս բարձրաստիճան պաշտոնատար անձանց էթիկայի հանձնաժողով գույքի և եկամուտների հայտարարագիր չի ներկայացնել, ինչի մասին բարձրաձայնել են մի շարք հասարակական կազմակերպություններ:

Հիշեցնենք, որ Հայաստանի գործող (2015թ.) Սահմանադրության 123-րդ հոդվածով Հանրապետության նախագահը պետության գլուխն է և հետևում է Սահմանադրության պահպանմանը:






Կարդացեք նաև։

ՀՀԿ-ն իշխանություն էր նաև մինչև 2008-ը

Հանրապետական կուսակցության փոխնախագահ Արմեն Աշոտյանը Ազգային ժողովի հերթական նիստից հետո լրագրողների հետ զրույցում, խոսելով պաշտպանության նախկին նախարար Միքայել Հարությունյանի՝ 2002 թվականից Ռուսաստանի քաղաքացի լինելու հանգամանքի մասին, առաջարկեց չհարցնել այդ մասին…


Գեղամ Մանուկյանը կոչ է անում օրենք խախտել

Օրերս պաշտոնաթող նախագահ Ռոբերտ Քոչարյանն իր երկրորդ հարցազրույցը տվեց դաշնակցական Գեղամ Մանուկյանին։ Քոչարյանն իր բողոքը հայտնեց նախաքննության գաղտնի լինելու հետ կապված՝ ասելով. «Եթե դուք՝ լրագրողներով, հասնեք նրան, որ այդ քրեական…


Նախագահի անձեռնմխելիությունը անսահմանափակ չէ

Հայաստանում սահմանադրական կարգի տապալման մեղադրանքով հուլիսի 27-ին կալանավորված երկրորդ նախագահ Ռոբերտ Քոչարյանի պաշտպանող կողմի հայտարարությունը, թե նախագահը անձեռնմխելի է և չի կարող հետապնդման ենթարկվել, անհիմն է, քանի որ գործողությունները, որոնց…


Սահմանադրական կարգի տապալումը ըստ Ռոբերտ Քոչարյանի և ՀՔԾ-ի

Ինչպես հայտնի է, 2018 թվականի հուլիսի 3-ին ՀՀ Հատուկ քննչական ծառայությունը քրեական գործ է հարուցել ՀՀ քրեական օրենսգրքի 300.1-ին հոդվածի 1-ին մասի հատկանիշներով՝ մի խումբ անձանց կողմից 2008 թվականի փետրվարի…