Ռուսական պրոպագանդան անգամ ռոբոտի մասին սուտ տարածեց

26.01.2018 | 18:55

Աշխարհում ամենահայտնի մարդանման կին ռոբոտը՝ Սոֆիան, հայտնվել է ռուսական մամուլի ուշադրության կենտրոնում։ Նշենք, որ այս օրերին շվեյցարական Դավոս քաղաքում ընթացող Համաշխարհային տնտեսական ֆորումին ներկա է նաև Սոֆիան, որը բազմաթիվ հանդիպումների է մասնակցում։

Դավոսի «ուկրաինական տուն» տաղավարում հանդիպման ժամանակ, որտեղ ներկայացվում էր նաև Սոֆիա ռոբոտը, ուկրաինական «1+1» հեռուստաալիքի լրագրողը հարցի իրավունք խնդրեց և ուղղեց այն ոչ թե միջոցառման կազմակերպիչներին, այլ հենց Սոֆիային։ Հարցը վերաբերում էր Ուկրաինայում տիրող կոռուպցիային (տես 40-րդ րոպեից) որին Սոֆիան չպատասխանեց։

Կազմակերպիչներից մեկը բացատրեց, որ Սոֆիան կարող է աշխատել երկխոսության (conversational mode) ռեժիմով և պատասխանել ցանկացած հարցի, սակայն այդ պահին գործում էր այլ ռեժիմ։ Նշենք, որ հանդիպման ողջ ընթացքում ռոբոտը լուռ էր ։

Սակայն ռուսական մամուլը միջադեպը մեկնաբանեց բոլորովին այլ կերպ։

Այսպես, «Россия 24» հեռուստաալիքը պատմում է, որ ռոբոտ Սոֆիայի մշակիչը (Processor) և սկրիպտը շարքից դուրս են եկել՝ ուկրաինական կոռուպցիայի մասին հարցը լսելուց հետո։ Մեկ այլ լրատվականի կարծիքով էլ՝ ռոբոտն ամբողջովին է շարքից դուրս եկել, մեկ ուրիշի կարծիքով՝ ռոբոտին «կախել» է և այսպես շարունակ։

Իրականում, ինչպես երևում է տեսանյութում, Սոֆիային ոչինչ էլ չի պատահում, այն շարունակում է գործել անխափան։

Նշենք, որ այս կեղծիքը համացանցում շատ լայն տարածում է գտել։ Սոֆիայի «շարքից դուրս գալու» մասին իր ֆեյսբուքյան էջում գրառում է կատարել նույնիսկ ուկրաինացի պատգամավոր Ալյոնա Շկրումը։ Գրառման մեկնաբանություններում, սակայն, տեղեկությունը հերքվել է։






Կարդացեք նաև։

Ռուսական մեդիայի արձագանքը ՀՔԾ-ի գործողություններին

Վերջին շրջանում ռուսական ԶԼՄ-երում ակտիվորեն քննարկվում է ՀՀ երկրորդ նախագահ Ռոբերտ Քոչարյանի կալանավորման որոշումը։ Այս առնչությամբ ռուսական մեդիադաշտում ապատեղեկատվության կամ փաստերի կամայական մեկնաբանության հաճախ կարող ենք հանդիպել: ԱՄՆ դեսպանատունը՝ փոստատա՞ր…


Կարպիս Փաշոյանի դեմ մեդիա-տեռորը փորձարկվել է նաև Նիկոլ Փաշինյանի դեմ

Ժամանակակից լրատվությունը սահմանակցում է մի կողմից պրոպագանդայի, մյուս կողմից մանիպուլյացիայի հետ։ Մեդիայի նպատակը հաճախ մի փոքր այլ է, քան օբյեկտիվ տեղեկության մատակարարումը։ Հաճախ այն կարծիքի ստեղծման, կարծրատիպեր կոտրելու, այս կամ…


Կրեմլյան պրոպագանդայի աշխատանքը մալայզիական ինքնաթիռի կործանման օրինակով

2014 թվականին մալայզիական ավիաուղիների խփված MH17 ինքնաթիռի աղետի հետևանքով զոհվեց 298 մարդ։ Այս տարիների ընթացքում MH17-ի դեպքի մասին ռուսական պրոպագանդան տարածում էր տարբեր ապատեղեկատվություններ։ Մասնավորապես ըստ կրեմլյան ԶԼՄ-ների՝ մալայզիական ինքնաթիռը…


Ինչպես է ռուսական պրոպագանդան լուսաբանում Հայաստանում ընթացող գործընթացները

Ռուսական «Взгляд» թերթը այս օրերին ակտիվորեն լուսաբանում է Հայաստանում տեղի ունեցող գործընթացները։ Կայքն իր լուսաբանումը իրականացնում է բավականին կողմնակալ՝ չխորշելով գնահատականներ, իսկ երբեմն նաև վիրավորանքներ հնչեցնելուց։ Մայիսի 2-ին՝ երեկոյան, թերթը…