Հ1-ը լռում է զինծառայողի վիրավորման հանգամանքների մասին

22.01.2018 | 19:24

Վերջին օրերին հայկական ԶԼՄ-ների ուշադրության կենտրոնում հայտնվեց նախկին զինծառայող Ալբերտ Դալլաքյանի վիրահատության համար անհրաժեշտ գումարի հանգանակության կազմակերպումը։ Դրամահավաքին միանալու կոչ էր արել էր նաև պաշտպանության նախարար Վիգեն Սարգսյանը։ Սարգսյանի կոչից հետո դրամահավաքին պարբերաբար անդրադարձ է կատարել նաև Հանրային հեռուստաընկերությունը՝ հիմնականում իր լուսաբանման ընթացքում ընդգծելով պաշտպանության նախարարի ունեցած ներդրումն այդ գործում և չներկայացնելով զինծառայողի՝ ծառայակից սպայի կողմից հրազենային վնասվածք ստանալու հանգամանքը։

«19 տարեկանում գլխից հրազենով վիրավորված զինվորն ուշքի էր եկել արդեն 20-ում»,– հունվարի 21-ի թողարկման մեջ պատմում է հեռուստաընկերության լրատվական ծառայության «360 աստիճան» հաղորդումը՝ չասելով, թե ում կողմից էր Ալբերտը ստացել այդ վնասվածքը։

Զինծառայողի՝ սպայի կողմից վիրավորվելու հանգամանքների մասին Հանրայինը լռել է նաև հունվարի 20-ին «Օրակարգ» լրատվականի հիմնական թողարկման ժամանակ անդրադարձի ընթացքում։ Փոխարենը լրատվականն առաջին հերթին պատմել է այն մասին, որ իր Ֆեյսբքուի էջում հանգանակությանը մասնակցելու կոչ էր արել ՊՆ Վիգեն Սարգսյանը։  Հունվարի 13-ի հրապարակած տեսանյութում ևս հիմնական շեշտը դրված է Վիգեն Սարգսյանի գրառման և դրամահավաքին նախարարի անձնապես մասնակցության վրա։

Ուստի հարկ ենք համարում հիշեցնել, որ, համաձայն ՀՀ Քննչական կոմիտեի տարածած հաղորդագրության, ժամկետային զինծառայող Ալբերտ Դալլաքյանը հրազենային վիրավորումը ստացել է 2016 թվականի հունիսի 4-ին՝ «N զորամասի պահպանության տակ գտնվող մարտական դիրքի գետնատնակում՝ դասակի հրամանատարի կողմից զենքի հետ վարվելու կանոնները խախտելու հետևանքով»։ Սպային մեղադրանք է առաջադրվել ՀՀ քրեական օրենսգրքի 373-րդ հոդվածի 2-րդ մասի հատկանիշներով։ Նախաքննությունը շարունակվում է մինչ այժմ։ «Լրագրողներ հանուն մարդու իրավունքների» իրավական լրատվական կայքի դեկտեմբերի 26-ի հրապարակման համաձայն, կասկածվող սպան շարունակում է ծառայությունը` նույն զորամասում։

Ի դեպ, սա առաջին դեպքը չէ, երբ հասարակության վճարած հարկերից ֆինանսավորվող Հանրային հեռուստաընկերության «Օրակարգ» հաղորդաշարը լռում է հասարակությանը հուզող աղմկահարույց հարցերի մասին։ Ավելի վաղ ՍՈՒՏ.am-ը պատմել էր, թե ինչպես է «Օրակարգ»-ը լուսաբանել ՀՀ ԱԺ պատվիրակության այցը ՌԴ Պետդումա՝ լռելով Հայաստանում ռուսաց լեզվի կարգավիճակի փոփոխության վերաբերյալ ռուսական կողմի առաջարկի մասին, որն այդ օրերին բացասական արձագանքի արժանացավ հասրակության լայն շրջանակի կողմից։






Կարդացեք նաև։

Ծուխ հեռուստադիտողների աչքերին Հանրայինի եթերից

Մարտի 31-ին «Քաղաքացիական պայմանագիր» կուսակցության մեկնարկած «Իմ քայլը» նախաձեռնությունը հայաստանյան համապետական սփռում ունեցող գրեթե բոլոր հեռուստաընկերությունների լրատվական թողարկումները խուսափում են լուսաբանել։ Շարժման իրականցրած ակցիաները չի լուսաբանում նաև Հանրային հեռուստաընկերությունը։ Դրա…


Հ1-ը 2017 թ-ի ԱԺ ընտրությունների գնահատականներից միայն դրականն է «հիշում»

Ապրիլի 8-ին Հայաստանի Հանրային հեռուստաընկերության կիրակնօրյա ամփոփ թողարկման՝ «360 աստիճան»-ի շրջանակներում անդրադարձ է կատարվել 2017 թվականի խորհրդարանական ընտրություններին: Ռեպորտաժի հեղինակը նշել է, որ ԵՄ-ն և ԵԱՀԿ/ԺՀՄԻԳ-ը դրական են գնահատել տեղի…


Հեռուստաընկերությունները խոսում են ամեն ինչից, բացի «Իմ քայլը» ակցիայից (լրացված)

«Քաղաքացիական պայմանագիր» կուսակցությունը մարտի 31-ին հրապարակեց Սերժ Սարգսյանի վարչապետ դառնալու դեմ պայքարի ճանապարհային քարտեզը: Այն հրապարակվեց Գյումրի քաղաքի Վարդանանց հրապարակում, որից հետո հայտարարվեց, որ ՔՊ անդամները քայլերթով Գյումրիից հասնելու են…


ՌԴ Ռազմական Ոստիկանությունը Գյումրիում է՝ ի հեճուկս ՀՀ ՊՆ-ի ու պայմանագրերի

Ռուսասական հարավային զինվորական օկրուգի մամուլի ծառայությունը վերջերս հաղորդագրություն տարածեց, որտեղ հայտնում է․ «Ճանապարհային երթևեկության անվտանգության, զինվորական օբյեկտների պահպանման, ինչպես նաև զինվորական կարգապահությունը ապահովվելու նպատակով Գյումրիի ռուսական 102-րդ ռազմաբազայում ստեղծվում է…