Լրատվական թյուրիմացություն` Նազարբաևի և Թրամփի ստորագրած պայմանագրերի մասին

18.01.2018 | 15:56

Ղազախստանի նախագահ Նուրսուլթան Նազարբաևը երեկ պաշտոնական այցով մեկնել է ԱՄՆ։ Այցի ընթացքում Նազարբաևը հանդիպել է ԱՄՆ նախագահ Դոնալդ Թրամփի, ինչպես նաև պաշտոնական և գործարար շրջանակների մի շարք ներկայացուցիչների հետ:

Կողմերի տարածած պաշտոնական տեղեկատվությունը շփոթեցրել է ԶԼՄ-ներին, որի արդյունքում տեղեկատվական հարթակում տարածվել է ոչ այնքան ճիշտ տեղեկություն։

Խոսքը մասնավորապես կողմերի միջև ստորագրած փաստաթղթերի արժեքների մասին է։

Ղազախական կողմի տվյալներով ստորագրվել է ավելի քան 20 պայմանագիր՝ մոտ 7 մլրդ դոլար ընդհանուր արժողությամբ։

Ինքը` Նազարբաևը, նախագահ Թրամփի հետ հայտարարության ժամանակ խոսել է 7․5 մլրդ դոլար արժողությամբ պայմանագրերի մասին։

Մի շարք կայքեր, սակայն, հղում տալով ԱՄՆ Պետական դեպարտամենտին, հաղորդում են, որ նախագահների միջև ստորագրված պայմանագրերի ընդհանուր արժեքը կազմում է 2․5 մլրդ դոլար։

Թյուրիմացությունը հավանաբար ծագել է սխալ թարգմանության արդյունքում։ ԱՄՆ Պետական դեպարտամենտի կայքում նշված է, որ Ղազախստանը պատրաստվում է 2․5 մլրդ դոլարի ապրանք և ծառայություն գնել ԱՄՆ-ից։ Իրականում այս գումարը չի արտացոլում ստորագրված բոլոր պայմանագրերի արժեքը։ ԶԼՄ-ները հավանաբար չեն նկատել կայքում հրապարակված մի շարք ներդրումային ծրագրերի մասին տեղեկությունը։

Նշենք, որ 2․5 մլրդ դոլար արժողությամբ պայմանագրերի մասին գրող լրատվականները հիմնվել են ամերիկյան աղբյուրների վրա, իսկ 7 մլրդ դոլար արժողությամբ պայմանագրերի մասին գրողները՝ ղազախական։ Սակայն եղավ նաև բացառություն։ Այսպես, ԱՊՀ «МИР» հեռուստաընկերությունը ևս հայտնում է 2․5 միլիարդ դոլարի մասին, սակայն հղում է տալիս, ոչ թե ամերիկյան, այլ ղազախական պաշտոնական աղբյուրներին, որտեղ նման տեղեկություն չկա։






Կարդացեք նաև։

Ինչպե՞ս ստուգել լուրի իսկությունը

Վերջին տարիներին լրատվական սեգմենտում հաճախ կարելի է հանդիպել կեղծ տեղեկություների (Fake news), որոնց զոհը դառնում են ոչ միայն շարքային քաղաքացիները (սպառողները), այլև լրագրողները։ Լրագրողները, հաճախ ցանկանալով ավելի արագ հրապարակել այս…


Ինցեստ-շքերթներ, Հայաստանին ռուսական օգնություն․ «Սպուտնիկի» ապատեղեկատվությունները

Ռուսական «Սպուտնիկ» գործակալության հայկական ծառայությունը վերջին օրերին հասարակական բարձր հնչեղություն ունեցող թեմաներով մի քանի նյութ է հրապարակել և ապատեղեկատվություն տարածել։ Հայաստանին ինցեստ-շքերթներ են սպասվում, կամ ո՞ւր կտանի մեզ ԼԳԲՏ–ի քարոզը…


ԶԼՄ-ները լռում են Սերժ Սարգսյանի 10 տոկոսանոց վարկանիշի մասին

Հայկական մեդիան բավականաչափ օպերատիվ կերպով արձագանքում է արևմտյան երկրների առաջնորդների հանդեպ սեփական երկրների բնակիչների ունեցած վստահության վարկանիշերի փոփոխությանը, սակայն Սերժ Սարգսյանի՝ Հայաստանում ունեցած վստահության վարկանիշի մասին տեղական լրատվամիջոցների մեծամասնությունը երբևէ…


Ուկրաինայի և Ռուսաստանի միջև երկաթուղային հաղորդակցության դադարեցման մասին կեղծ տեղեկություններ են տարածվել

Մայիսի 17-ին ռուսական «Zvezda» հեռուստաընկերությունը տեղեկություն տարածեց, իբրև Ուկրաինան խզում է երկաթուղային հաղորդակցությունը Ռուսաստանի հետ: Անդրադառնալով դրան՝ ուկրաինական StopFake կայքը հայտարարեց, որ տեղեկությունը կեղծ է, որպես ապացույց բերելով պաշտոնական Կիևից…