Ռուբլին չի թանկացել

14.12.2017 | 14:46

Դեկտեմբերի 14-ին «Իրավունք» օրաթերթի կայքէջը և Շաբաթ․am լրատվականն ապատեղեկատվություն են տարածել ռուսական ռուբլու թանկացման մասին։

Կենտրոնական բանկի հրապարակած տվյալների համաձայն՝ նախորդ օրվա համեմատ ռուսական արտարժույթը մնացել է նույնը։ Իսկ դեկտեմբերի 12-ի համեմատ այն անկում է ապրել 0,6 տոկոսով՝ 8,23 դրամից դառնալով 8,18 դրամ։

Որոշ փորձագետների վերլուծությունների համաձայն՝ ռուբլու արժեքի աճ չի սպասվում նաև առաջիկայում։ Հնարավոր է ռուբլու արժեքի նոր անկում։

Դեկտեմբերի 13-ին ԱՄՆ Դաշնային պահեստային համակարգի Բաց շուկայի հանձնաժողովը բարձրացրեց հիմնական տոկոսային դրույքաչափը 25 կետով՝ հասցնելով 1,25-1,5%-ի։ Ռուսական Газета.Ru-ի փոխանցմամբ՝ «հաշվի առնելով, որ միևնույն ժամանակ Ռուսաստանի Կենտրոնական բանկն իջեցնում է դրույքաչափը, սա վտանգ կստեղծի ռուբլու համար, քանի որ արտասահմանյան ներդրում կատարողներին այդքան էլ հետաքրքիր չի լինի ներդրում կատարել ռուբլային ակտիվների մեջ»։

Որոշ փորձագետների կարծիքով, ռուբլին կարող է տուժել նաև Ռուսաստանի նկատմամբ ԱՄՆ նոր պատժամիջոցների պատճառով։

Ինչ վերաբերում է վերոնշյալ լրատվամիջոցներում ռուբլու արժեքի թանկացման մասին ապատեղեկատվությանը, հարկ է նշել, որ թե՛ «Իրավունքը», թե՛ Շաբաթ․am-ը ապատեղեկատվությունը տարածել են լուրերի վերնագրերի միջոցով։ Նշված լուրերը զուրկ են բովանդակությունից և պատկերում են ֆինանսական տեղեկատվություն տրամադրող rate.am կայքում հրապարակված աղյուսակը։

Ավելի վաղ SUT.am-ը պատմել էր, թե ինչպիսի վերնագրեր են օգտագործում հայկական որոշ լրատվամիջոցներ լսարանին շփոթեցնելու նպատակով։






Կարդացեք նաև։

«Իրավունք» թերթի ապատեղեկատվությունը նախարարներ Էրիկ Գրիգորյանի և Արսեն Թորոսյանի մասին

«Իրավունք» թերթը «Հեղափոխությամբ ծնված կառավարությունը» խորագրով հրապարակումների շարք է սկսել։ Թերթը ներկայացնում է կառավարության նորանշանակ անդամների կենսագրություններից հատվածներ՝ տարածելով մի շարք ապատեղեկատվություններ։ Թերթի խմբագրությունը, որպես գնահատման չափանիշներ, կարևորում է նախարարների…


Ահաբեկիչներից հակաահաբեկիչներ. Պուտինի ինքնահակասությունները Թուրքիայի հարցում

Նոյեմբերի 22-ին Սոչիում տեղի ունեցավ Ռուսաստանի, Թուրքիայի և Իրանի նախագահների եռակողմ հանդիպումը: Վլադիմիր Պուտինը, Ռեջեփ Թայիփ Էրդողանը և Հասան Ռոհանին հիմնականում քննարկել են Սիրիական ճգնաժամը, դրա լուծման քաղաքական բաղադրիչը, իրավիճակը…


Կրեմլյան ԶԼՄ-ները ռուսաց լեզվի մասին Հայաստանում և Ուկրաինայում

2017 թվականի սեպտեմբերի 25-ին Ուկրաինայի նախագահ Պետրո Պորոշենկոն ստորագրել է Գերագույն խորհրդի օրերս ընդունած կրթական բարեփոխումների մասին օրենքը։ Ստորագրումից ժամեր անց ռուսական ԶԼՄ-ները ամպագոռգոռ վերնագրերով և կեղծ տեղեկություններով «վերլուծություններ» տարածեցին։…


Պեսկովի դստեր գրագողությունը մեծ աղմուկ է բարձրացրել

Ռուսաստանի նախագահի խոսնակ Դմիտրի Պեսկովի դուստրը՝ Լիզա Պեսկովան, որոշել է վերլուծաբան դառնալ։ Ռուսական Forbes ամսագրում հրապարակված «Գիտելիքի պատրանք։ Արդյո՞ք ժամանակակից տեխնոլոգիաները կվերացնեն ավանդական կրթությունը»  հոդվածում Պեսկովան անդրադառնում է արդի կրթությանը,…