Կառավարությունը և «Ռազմինֆոն» հրապարակում են «գաղտնի» տեղեկություններ (թարմացված է)

04.12.2017 | 16:17

Այս տարվա հոկտեմբերին պաշտպանության նախարարությունը կառավարությանն առաջարկել է 5 տարով երկարացնել «65 Ռազմական գործարան» ընկերության ռազմամթերքի արտադրության արտոնագիրը:

«Ընկերությունը հիմնականում զբաղվում է հրաձգային զենքի, հրետանու առանձին համակարգերի նորոգմամբ և զորքերում տեխնիկական սպասարկման աշխատանքներով, ավիացիոն խոցման միջոցների արտադրությամբ», – գրում է Razm.info կայքը և ներկայացնում մատակարարված արտադրանքի  ընդհանուր արժեքը (ըստ տարեթվերի)։

5 տարվա ընթացքում 100% պետական բաժնեմաս ունեցող ընկերությունը կատարել է պետական պատվերով նախատեսված զենքի արտադրության աշխատանքներ, որի ընդհանուր արժեքը կազմել է մոտ 2 մլն ԱՄՆ դոլար։

Կոռուպցիոն ռիսկերը գնահատելու համար SUT.am-ը հարցում ուղարկեց պաշտպանության նախարար Վիգեն Սարգսյանին՝ հարցնելով նրան, թե որքան արժողությամբ զենք է գնել պաշտպանության նախարարությունը «65 ռազմական գործարանից» 2012-2017 թվականների ընթացքում։

Սակայն մեր հարցմանն ի պատասխան ստացված գրությամբ տեղեկացանք, որ ՊՆ-ն մերժել է մեզ տեղեկություն տրամադրել։ Մերժմանը հիմնավորում բերված կետերից մեկը ՀՀ պաշտպանության նախարարի 2015թ․ հուլիսի 9-ի «ՀՀ պաշտպանության նախարարության համակարգի գաղտնագրման ենթակա տեղեկությունների ընդլայնված գերատեսչական ցանկը հաստատելու մասին» հրամանի 48-րդ կետն է։

Դրա համաձայն՝ գաղտնի է համարվում պլանային և հաշվետու տվյալները պայմանագրային պարտավորությունների և գործարքների ուղղությամբ, այսինքն հենց այն տվյալները, որոնք հրապարակված են թե՛  Razm.info կայքում և թե՛ կառավարության համապատասխան որոշման նախագծում։

Նշենք, որ սա առաջին դեպքը չէ, երբ ուժային կառույցի գաղտնի գնահատած տեղեկությունը մենք գտնում ենք բաց աղբյուրներում։ Ավելի վաղ գրել էինք ազգային անվտանգության ծառայության կողմից գաղտնագրված գնումների մասին, որոնք հրապարակված էին պետական գնումների կայքում։






Կարդացեք նաև։

200 մլն դոլարի դիմաց տրամադրած զենքի մեծ մասը բարոյապես հին է

Հուլիսի 22-ին Հայաստանի պաշտպանության նախարար Դավիթ Տոնոյանը հայտարարեց, որ «200 մլն դոլարի դիմաց տրամադրած զենք-զինամթերքը  ժամանակակից,  արդիական, անգամ ՌԴ սպառազինության մեջ  չգտնվող սպառազինություն է»: Այնինչ, նշված պայմանագրով զենքերի և ռազմամթերքի…


«Տուշոնկաները» ՊՆ-ին կրկնակի թանկ չեն մատակարարվել

Օրերս հետաքննող լրագրողների «Հետք» պարբերականը բանակին մատակարարվող մսի պահածոների վերաբերյալ ուշագրավ թվեր է ներկայացրել։ «Ո՞ւմ արտադրած զինվորի բաժին պահածոն էր հայտնվել Մանվել Գրիգորյանի մոտ. ՊՆ-ի խոշոր մատակարարը» վերնագրով նյութում ներկայացված…


«Չեմ տեսել, որ զինվորի հաց գողացողները կրակի մեջ չընկնեն» (տեսանյութ)

Ազգային ժողովի պատգամավոր Մանվել Գրիգորյանի ձերբակալությունից հետո ԱԱԾ-ի տարածած տեսանյութի վերաբերյալ հասարակական քննարկումները չեն դադարում: Ապրիլյան պատերազմի ժամանակ զինծառայողներին ուղարկված սնունդն ու պարագաները Մանվել Գրիգորյանի առանձնատանը տեսնելուց հետո որոշեցինք վերհիշել,…


ՌԴ Ռազմական Ոստիկանությունը Գյումրիում է՝ ի հեճուկս ՀՀ ՊՆ-ի ու պայմանագրերի

Ռուսասական հարավային զինվորական օկրուգի մամուլի ծառայությունը վերջերս հաղորդագրություն տարածեց, որտեղ հայտնում է․ «Ճանապարհային երթևեկության անվտանգության, զինվորական օբյեկտների պահպանման, ինչպես նաև զինվորական կարգապահությունը ապահովվելու նպատակով Գյումրիի ռուսական 102-րդ ռազմաբազայում ստեղծվում է…