Կոմերսանտի սուտը ԵՄ-Վրաստան հարաբերությունների վերաբերյալ

26.10.2017 | 13:57

Ռուսական Կոմերսանտ թերթը հոկտեմբերի 24-ին հրապարակել էր հոդված՝ «Եվրոպան մտածում է Վրաստանի վիզային ռեժիմը վերականգնելու մասին. ԵՄ մեկնողները պետք է «նախնական թույլտվություն» ստանան» վերնագրով։ Այս լուրը, որը ակտիվորեն վերատպվել էր ռուսական այլ լրատվամիջոցների կողմից նշում է, որ փաստորեն Եվրոպան վերականգնում Վրաստանի հետ ԵՄ վիզային ռեժիմը ։

Ըստ այս հոդվածի՝ Թբիլիսին կարծում է, որ մի կողմից Եվրախորհրդարանի այս  որոշումը պայմանավորված է  վիզաների վերացումից հետո Վրաստանից աննախադեպ թվով անօրինական ներգաղթողների թիվը նվազեցնելու ձգտումով, իսկ մյուս կողմից՝ Վրաստանի իշխանությունների հետ հարաբերությունները չփչացնելու ցանկությամբ։ Այնուհետև Կոմերսանտը նշում է․ «Հիշեցնենք, որ ԵՄ-ի հետ վիզային ռեժիմի վերացումը համարվում էր Թբիլիսիի՝ մինչ օրս կատարած հիմնական նվաճումը եվրաինտեգրման ճանապարհին»: Փաստորեն Կոմերսանտը ներկայացնում է Եվրախորհրդարանի նախագիծը որպես Վրաստանի եվրաինտեգրման ճանապարհին կատարված կարևորագույն ձեռքբերման ձախողում։

Մինչդեռ, իրականում, խոսքը «Եվրոպական զբոսաշրջության և տեղեկատվության թույլտվության համակարգի» ներդրման նախագծի մասին է, որի համաձայն ԵՄ հետ վիզա ազատականացման համաձայնագիր ստորագրած երկրների քաղաքացիները պետք է ստանան համապատասխան նախնական թույլտվություն Եվրամիության տարածք մուտք գործելուց առաջ։ Այս նախագիծը առաջարկվել է դեռևս 2016թ. և նպատակ ունի ամրապնդել ԵՄ անվտանգությունը։ Ավելին՝ այս նոր կարգավորումը վերաբերվելու է Վրաստանից բացի ավելի քան  50 այլ երկրների՝ այդ թվում ԱՄՆ-ին, Ավստրալիային, Նոր Զելանդիային, Իսրայելին և այլն։

Հետևաբար, ներկայացնել այս նախագիծը որպես վրաց-եվրոպական հարաբերությունների ձախողում, ոչ այլ ինչ է, քան Կոմերսանտի կողմից արվող պրոպագանդա և փաստերի աղավաղում։ Ավելին՝ հայկական լրատվամիջոցների մի մասն էլ ակտիվ արտատպում է այս սուտը։






Կարդացեք նաև։

Ռուսական մեդիայի արձագանքը ՀՔԾ-ի գործողություններին

Վերջին շրջանում ռուսական ԶԼՄ-երում ակտիվորեն քննարկվում է ՀՀ երկրորդ նախագահ Ռոբերտ Քոչարյանի կալանավորման որոշումը։ Այս առնչությամբ ռուսական մեդիադաշտում ապատեղեկատվության կամ փաստերի կամայական մեկնաբանության հաճախ կարող ենք հանդիպել: ԱՄՆ դեսպանատունը՝ փոստատա՞ր…


Կարպիս Փաշոյանի դեմ մեդիա-տեռորը փորձարկվել է նաև Նիկոլ Փաշինյանի դեմ

Ժամանակակից լրատվությունը սահմանակցում է մի կողմից պրոպագանդայի, մյուս կողմից մանիպուլյացիայի հետ։ Մեդիայի նպատակը հաճախ մի փոքր այլ է, քան օբյեկտիվ տեղեկության մատակարարումը։ Հաճախ այն կարծիքի ստեղծման, կարծրատիպեր կոտրելու, այս կամ…


Կրեմլյան պրոպագանդայի աշխատանքը մալայզիական ինքնաթիռի կործանման օրինակով

2014 թվականին մալայզիական ավիաուղիների խփված MH17 ինքնաթիռի աղետի հետևանքով զոհվեց 298 մարդ։ Այս տարիների ընթացքում MH17-ի դեպքի մասին ռուսական պրոպագանդան տարածում էր տարբեր ապատեղեկատվություններ։ Մասնավորապես ըստ կրեմլյան ԶԼՄ-ների՝ մալայզիական ինքնաթիռը…


Ինչպես է ռուսական պրոպագանդան լուսաբանում Հայաստանում ընթացող գործընթացները

Ռուսական «Взгляд» թերթը այս օրերին ակտիվորեն լուսաբանում է Հայաստանում տեղի ունեցող գործընթացները։ Կայքն իր լուսաբանումը իրականացնում է բավականին կողմնակալ՝ չխորշելով գնահատականներ, իսկ երբեմն նաև վիրավորանքներ հնչեցնելուց։ Մայիսի 2-ին՝ երեկոյան, թերթը…