Շարմազանովը ստում է Հայաստանում ժողովրդավարության վերաբերյալ

24.10.2017 | 14:51

Հոկտեմբերի 22-ին, Ազատության «Կիրակնօրյա վերլուծականի» եթերում Հանրապետական կուսակցության փոխնախագահ Էդուարդ Շարմազանովը, խոսելով  Սերժ Սարգսյանի պաշտոնավարման տասնամյակի ընթացքում Հայաստանում գրանցված առաջընթացից, նշել էր․«Հայաստանում ժողովրդավարությունը լրիվ այլ մակարդակի վրա է․ բացեք բոլոր զեկույցները, հիշեք 2008 թվականը և այսօր: Հայաստանում խոսքի ազատությունը լրիվ այլ մակարդակի վրա է, Հայաստանում խղճի ազատությունը լրիվ այլ մակարդակի վրա է, Հայաստանում բանավեճը՝ նույն ընտրությունների գնահատականը․․․ ժողովրդավարության առումով էլ կան զարգացումներ»։

Այդուհանդերձ, 2008թ․ համեմատ Հայաստանում ժողովրդավարությունն ու խոսքի ազատությունը անկում է ապրել։ Այսինքն, Էդուարդ Շարմազանովը չի ստում ժողովրդավարությունը լրիվ այլ մակարդակի լինելու մասին, սակայն ստում է դրա առաջընթացի մասին։

Բացենք նրա խորհրդով ցանկացած զեկույցներից մեկը՝ Freedom House միջազգային իրավապաշտպան կազմակերպության հրապարակած ամենամյա «Ազգերը անցումային շրջանում» 2008թ․ զեկույցը, և կտեսնենք, որ Հայաստանի ժողովրդավարության ցուցանիշը 7 բալանոց համակարգով 2008թ․ եղել է 5.21, որտեղ 1 բալանոց ցուցանիշ ունեն ամենաժողովրդավար երկրները, իսկ 7՝ ամենաավտոկրատները։ 2009թ․ այս ցուցանիշը դարձել է 5,39, որից հետո Սերժ Սարգսյանի 10-ամյա կառավարման ընթացքում այն կայուն մնացել է 5,36-5,41 կտրվածքում։ Այսպես, օրինակ 2017թ․ եղել է 5,39, ինչպես և 2009-ին, այսինքն՝ ստաբիլ վատ։

Ավելին՝ 2015թ․ և դրանից առաջ «Էկոնոմիստ Ինթելիջենս Յունիթի» աշխարհում ժողովրդավարության միտումների ամենամյա հետազոտությունը Հայաստանը որակավորում էր որպես «հիբրիդային ռեժիմ», այսինքն ժողովրդավարության և ավտորիտարության միջև գտնվող պետական համակարգ: Ընդ որում, 2015-ին Հայաստանը աշխարհի երկրների ցանկում 116-րդն էր ժողովրդավարության ցուցանիշով՝ եզրափակելով հիբրիդ ռեժիմների ցուցակը:  Սակայն, 2016թ․-ից Հայաստանը, դասակարգվելով 120-րդ տեղում (որտեղ առաջին տեղում ամենաժողովրդավարն է, իսկ 167-րդ տեղում՝ ամենաավտորիտարը), որակավորվել է որպես «ավտորիտար ռեժիմ»:

Փաստորեն, երկու առաջատար համաշխարհային կազմակերպությունների զեկույցները ժողովրդավարության մասին վկայում են, որ Հայաստանը հետընթաց է ապրել։ Հետևաբար, հարց է ծագում, թե արդյո՞ք Էդուարդ Շարմազանովը ճիշտ է հասկանում «առաջընթաց» բառի իմաստը։






Կարդացեք նաև։

Սարգսյանի ինքնաբացառման սուտը՝ ՀՀԿ-ականների կատարմամբ (տեսանյութ)

Շուրջ 4 տարի առաջ սահմանադրական բարեփոխումների մասնագիտական հանձնաժողովի անդամների հետ հանդիպման ժամանակ Սերժ Սարգսյանը երաշխիքներ տվեց հանձնաժողովականներին, որ վերջիններս Սահմանադրության նոր նախագիծը գրելիս անկախ գործեն: Որպես գլխավոր երաշխիք՝ Սարգսյանը վստահեցրեց,…


Ժողովրդավարությունն` ըստ Էդուարդ Շարմազանովի և իրականում

Մարտի 29-ին ՀՀԿ գործադիր մարմնի նիստից հետո ԱԺ փոխնախագահ, ՀՀԿ խոսնակ Էդուարդ Շարմազանովը մեկնաբանել էր «Ելք» խմբակցության ղեկավար Նիկոլ Փաշինյանի հայտարությունը առ այն, որ եթե Սերժ Սարգսյանի վարչապետության դեմ պայքարի…


Ռուսական ընտրություններն ըստ Շարմազանովի և իրականում

Հայաստանի Ազգային ժողովի փոխնախագահ Էդուարդ Շարմազանովը, որպես ՀԱՊԿ խորհրդարանական վեհաժողովի դիտորդական առաքելության ղեկավար, դիտարկել է նախօրեին Ռուսաստանում տեղի ունեցած նախագահական ընտրությունները և արել իրականությանը չհամապատասխանող հայտարարություններ: Ռուսական ՌԻԱ գործակալությանը տված…


«Խորհրդարանական» կոչվող վարչապետական կառավարումը

Մոտենում է Սերժ Սարգսյանի նախագահության երկրորդ և վերջին ժամկետի ավարտը։ Ուժի մեջ են մտնում 2015 թվականի դեկտեմբերի 6-ին փոփոխված Սահմանադրության՝ երկրի կառավարման համակարգը փոփոխող դրույթները։ Հայաստանը կիսանախագահական կառավարման համակարգից անցնում…