Շարմազանովի չհիմնավորված պնդումները

23.10.2017 | 13:30

ՀՀԿ խոսնակ, ԱԺ փոխնախագահ Էդուարդ Շարմազանովն Ազատություն ռադիոկայանի «Կիրակնօրյա վերլուծական» ծրագրին տված հարցազրույցում ասել է, որ Ժնևում Ալիև և Սարգսյան բանակցությունների առաջընթացը փաստաթղթային մակարդակում Վիեննայի և Պետերբուրգի բանակցությունների համեմատ այն է, որ Ժնևի հայտարարությանը միացել են Ադրբեջանն ու Հայաստանը, իսկ Վիեննայի ու Սանկտ Պետերբուրգի հայտարարություններն արվել են բացառապես համանախագահների ձևաչափով:

Իրականում 2016թ․-ի հունիսի 20-ին Սանկտ Պետերբուրգի հայտարարությունն արվել է ոչ թե համանախագահների կողմից, այլ Վլադիմիր Պուտինի, Սերժ Սարգսյանի և Իլհամ Ալիևի: Մասնավորապես, հանդիպումից հետո տարածված հաղորդագրության մեջ նշված է. «Սերժ Սարգսյանը, Վլադիմիր Պուտինը և Իլհամ Ալիևը հանդես են եկել համատեղ հայտարարությամբ, որում մասնավորապես ասված է…»:

Շարմազանովը նաև ասել է, որ հենց Ժնևում էլ արձանագրվել է փաստաթղթային առումով, որ Սանկտ Պետերբուրգի ու Վիեննայի պայմանավորվածությունները պետք է կատարվեն: Ժնևի բանակցություններից հետո ԵԱՀԿ Մինսկի խմբի կողմից տարածած հայտարարության մեջ որևէ խոսք չի եղել Վիեննայի ու Սանկտ Պետերբուրգի պայմանավորվածությունների մասին: Ավելին, օրինակի համար Պետերբուրգի հայտարարության մեջ նշված էր. «…նախագահները վերահաստատեցին Վիեննայում ս.թ. մայիսի 16-ին կայացած հայ-ադրբեջանական գագաթնաժողովի պայմանավորվածությունները», մինչդեռ նման որևէ միտք Ժնևի հայտարարությունում չի եղել:

Արմեն Գրիգորյան






Կարդացեք նաև։

Սարգսյանի ինքնաբացառման սուտը՝ ՀՀԿ-ականների կատարմամբ (տեսանյութ)

Շուրջ 4 տարի առաջ սահմանադրական բարեփոխումների մասնագիտական հանձնաժողովի անդամների հետ հանդիպման ժամանակ Սերժ Սարգսյանը երաշխիքներ տվեց հանձնաժողովականներին, որ վերջիններս Սահմանադրության նոր նախագիծը գրելիս անկախ գործեն: Որպես գլխավոր երաշխիք՝ Սարգսյանը վստահեցրեց,…


Ժողովրդավարությունն` ըստ Էդուարդ Շարմազանովի և իրականում

Մարտի 29-ին ՀՀԿ գործադիր մարմնի նիստից հետո ԱԺ փոխնախագահ, ՀՀԿ խոսնակ Էդուարդ Շարմազանովը մեկնաբանել էր «Ելք» խմբակցության ղեկավար Նիկոլ Փաշինյանի հայտարությունը առ այն, որ եթե Սերժ Սարգսյանի վարչապետության դեմ պայքարի…


Ռուսական ընտրություններն ըստ Շարմազանովի և իրականում

Հայաստանի Ազգային ժողովի փոխնախագահ Էդուարդ Շարմազանովը, որպես ՀԱՊԿ խորհրդարանական վեհաժողովի դիտորդական առաքելության ղեկավար, դիտարկել է նախօրեին Ռուսաստանում տեղի ունեցած նախագահական ընտրությունները և արել իրականությանը չհամապատասխանող հայտարարություններ: Ռուսական ՌԻԱ գործակալությանը տված…


Թուրքիայի վարչապետը ստում է Լեռնային Ղարաբաղի վերաբերյալ միջազգային դիրքորոշման մասին

Մարտի 15-ից 17-ը Բաքվում ընթացող 6-րդ համաշխարհային ֆորումին մասնակցելու նպատակով Ադրբեջանում է գտնվում Թուրքիայի վարչապետ Բինալի Յըլդըրըմը, ով հասցրել է ղարաբաղյան հակամարտության մասին ապատեղեկատվություններ տարածել։ Այցի շրջանակներում Յըլդըրըմը հարցազրույցներ է…