Վարորդը պարտավոր չէ տրամադրել վարորդական վկայականը. ոստիկանության կեղծ իրազեկումը

06.10.2017 | 17:18

Օրերս ոստիկանությունը տեսանյութ է հրապարակել, որտեղ «իրազեկում»  է վարորդներին։

Հիմնվելով Ճանապարհային երթևեկության անվտանգության ապահովման մասին ՀՀ օրենքի 24-րդ հոդվածի 5-րդ մասի վրա՝ ոստիկանությունը մասնավորապես հայտնում է․ տրանսպորտային միջոցի վարորդը պարտավոր է իր մոտ ունենալ տվյալ կարգի տրանսպորտային միջոցը վարելու վարորդական վկայականն ու տրանսպորտային միջոցի հաշվառման փաստաթղթերը և ոստիկանների ծառայողների պահանջով ներկայացնել ստուգման։ «Սա ենթադրում է փաստաթղթերի տրամադրում ոստիկանության ծառայողին, որն էլ իր հերթին տարբեր եղանակներով կարող է ստուգել ներկայացված փաստաթղթերը», – հավելում է ոստիկանությունը։

Ոստիկանությունն իր ենթադրությունը փորձում է ներկայացնել որպես օրենքի մաս և վարորդի պարտականություն, սակայն օրենքում նշված է, որ վարորդը պարտավոր է փաստաթղթերը ներկայացնել տեսուչին, այլ ոչ տրամադրել։ Վարորդը, օրինակ, կարող է վկայականը իր ձեռքով ներկայացնել տեսուչին, որպեսզի վերջինս ընթերցի իրեն անհրաժեշտ տվյալները։

Ոստիկանները, ինչպես նաև պետական բոլոր մարմինները, իրավասու են անել այն, ինչի համար բառացի լիազորված են օրենքով։ Ներկա պահին ՀՀ օրենսդրությամբ վարորդները չունեն պարտականություն փաստաթղթերը առձեռն հանձնելու տեսուչներին, իսկ ոստիկանության կողմից կատարվորղ ենթադրություններն ու մեկնաբանությունները չեն կարող վարորդի համար պարտականություն ստեղծել։

Ավելին, ՀՀ Կառավարության 2006 թվականի նոյեմբերի 23-ի N 1769-Ն որոշման համաձայն՝ ոստիկանը իրավունք չունի փաստաթղթերը ստուգելու պատրվակով վերցնել դրանք ու շրջվել մեջքով դեպի վարորդը, դեպի հետևի տրանսպորտային միջոցը կամ դրա կողքին գտնվող անձանց կողմ։






Կարդացեք նաև։

«Իրատես» թերթը ապատեղեկատվություն է տարածում

«Իրատես» թերթն իր հերթական համարում անդրադարձել է ոստիկանապետ Վալերի  Օսիպյանին՝ մատնանշելով նրա օրոք ոստիկանությունում տիրող «խնդրահարույց իրավիճակը»։ Խոսքը մասնավորապես վերաբերում է ոստիկանությունում սկսված կադրային արտահոսքին։ Թերթի տեղեկություններով` ճանապարհային ոստիկանության աշխատակիցների…


Նոր Գյուղում ավելի շատ վարորդական վկայական է տրամադրվել, քան Երևանում (վիճակագրություն)

Վերջին տարիներին Հանրապետությունում աճել է ավտոմեքենաների քանակը։ Դրան զուգահեռ ավելացել են վարորդները, հաճախացել են ճանապարհատրանսպորտային պատահարները։ Դատելով տարեկան արձանագրվող ճանապարհատրասնպորտային պատահարների քանակից, ինչպես նաև արձանագրված տուգանքների քանակից՝ կարելի է եզրակացնել,…


Ոստիկանությունը չի կարող արգելել դրոններով նկարահանումը

Օգոստոսի 17-ին, կառավարության պաշտոնավարման 100 օրվա կապակցությամբ  կայանալիք հանրահավաքին ընդառաջ, ոստիկանությունը հայտարարություն տարածեց, որով արգելեց դրոնների օգտագործումը հանրահավաքի ընթացքում: «Զանգվածային լրատվության միջոցներին հայտնում ենք, որ օգոստոսի 17-ին տեղի ունենալիք հանրահավաքի…


Ինչպես են գործել կոռուպցիոն սխեմաները Վլադիմիր Գասպարյանի պաշտոնավարման տարիներին

Երևան քաղաքի Կոմիտասի պողոտայի և Վաղարշյան փողոցների հատման մասում արդեն կառուցվել է հերթական բազմահարկ բնակելի շենքը: Խորհրդային միության տարիներին տվյալ տարածքում կառուցվել էր կարի ֆաբրիկա, որը հետագայում դարձավ ՀՀ ոստիկանության…