Կրեմլյան ԶԼՄ-ները ռուսաց լեզվի մասին Հայաստանում և Ուկրաինայում

26.09.2017 | 15:59

2017 թվականի սեպտեմբերի 25-ին Ուկրաինայի նախագահ Պետրո Պորոշենկոն ստորագրել է Գերագույն խորհրդի օրերս ընդունած կրթական բարեփոխումների մասին օրենքը։ Ստորագրումից ժամեր անց ռուսական ԶԼՄ-ները ամպագոռգոռ վերնագրերով և կեղծ տեղեկություններով «վերլուծություններ» տարածեցին։

Այսպես, օրինակ Gazeta.ru կայքը «Պորոշենկոն արգելել է ռուսաց լեզուն դպրոցներում» վերնագրերով նյութ է հրապարակել։ Նյութի հեղինակը իր վերլուծությունը կառուցել է հիմնվելով նախագահի ստորագրած №2145-VIII փաստաթղթի վրա, սակայն որևէ հղում նյութում չկա։

Իրականություն

Կրթական բարեփոխումների մասին թիվ №2145-VIII օրենքը ներառում է մի շարք նոր կետեր, որոնք մինչ այդ չեն եղել Ուկրաինայի կրթական համակարգում։

Նոր օրենքով՝ 2018 թվականի սեպտեմբերի մեկից դպրոցականները կարող են ստանալ կրթություն մի շարք օտար լեզուներով (ներառյալ ռուսերենը), սակայն պարտադիր է լինելու սովորել նաև պետական՝ ուկրաիներեն լեզուն։ 5-րդ դասարանից սկսած կրթությունը բոլորի համար պետք է դառնա պետական լեզվով, իսկ օտար լեզուների ուսուցումը լինելու է որպես առանձին առարկա (ինչպես օրինակ Հայաստանում է)։

Ուկրաինայի կրթության և գիտության նախարար Լիլիա Գրինեվիչի խոսքերով՝ այս օրենքը միտված է մի շարք անհարմարություններից խուսափելուն։

«Նախկինում մենք ունեինք բազմաթիվ դպրոցականներ, որոնք ավարտելով դպրոցը չէին տիրապետում ուկրաիներենի։ Արդյունքում, իրենք ունենում էին բազմաթիվ խնդիրներ ԲՈՒՀ ընդունվելիս՝ հայտնվելով մրցակցային ավելի խոցելի խմբում լեզվի իմացության քննությունից ցածր գնահատակններ ունենալով», – ասել է նախարարը։

Հայաստանում

Ռուսական պաշտոնյաների, ինչպես նաև Կրեմլի կողմից ուղղորդվող ԶԼՄ-ների հիստերիան Ուկրաինայի հետ զուգահեռ այս օրերին գրոհում է նաև Հայաստանը։

Վերջերս հրապարակած հայաստանյան դպրոցներում ռուսաց լեզվի դասավանդման հայեցակարգը առիթ հանդիսացավ մի շարք դժգոհությունների, ինչը ի վերջո ստիպեց Կրթության և գիտության նախարար Լևոն Մկրտչյանին հայտարարել՝ «Հայաստանում ռուսերենը օտար լեզու է»։

Ռուսաց լեզվին Հայաստանում կարգավիճակ տալու մասին ժամանակ առ ժամանակ խոսում են տարբեր պաշտոնյաներ։ Վերջինը Ռուսաստանի Դաշնության պետական դումայի խոսնակ Վյաչեսլավ Վոլոդինն էր, ով հայտարարեց, որ հայաստանցի վարորդները Ռուսաստանում խնդիրներ կունենան այնքան ժամանակ, քանի դեռ ռուսերենը Հայաստանում չունի կարգավիճակ:

Հիշեցնենք, որ 2014 թվականին Ազգային ժողովում հյուրընկալված ռուսական քարոզչամեքենայի առաջատար դեմքերից Դմիտրի Կիսելյովը պատգամավորներ Հայկ Բաբուխանյանի և Հերմինե Նաղդալյանի ներկայությամբ իր դժգոհությունն էր հայտնել ռուսաց լեզվի դերի կապակցությամբ։ Լրագրողը մասնավորապես ասել է, որ ԼՂՀ ճանաչումը Ռուսաստանից պահանջելուց առաջ Հայաստանն ինքը քայլեր պետք է անի, բայց կատարվում է հակառակը, օրինակ ռուսաց լեզվի դերը Հայաստանում օրեցօր փոքրանում է :

«Երևանում չեն մնացել ռուսական դպրոցներ, ռուսական մշակույթը երկրորդական է դառնում, դա էլ է վտանգավոր: Ես այսօր տաքսի նստեցի, 20 տարեկան տղան ռուսերեն անգամ հաշվել չկարողացավ։ Եկեք ամեն մեկս աշխատանքի մեր մասն անենք:», – ասել է Դմիտրի Կիսելյովը:






Կարդացեք նաև։

Րաֆֆի Հովհաննիսյանի խոսքը խեղաթյուրվել է

Օրեր առաջ «Ժառանգություն» կուսակցության ղեկավար Րաֆֆի Հովհաննիսյանը հրավիրել է մամուլի ասուլիս, որի ժամանակ խոսել է սեպտեմբերի 23-ին կայանալիք Երևանի ավագանու արտահերթ ընտրությունների մասին՝ հայտարարելով քաղաքապետի իր թեկնածության առաջադրման մասին։ Բացի…


Ինչպես է ռուսական պրոպագանդան լուսաբանում Հայաստանում ընթացող գործընթացները

Ռուսական «Взгляд» թերթը այս օրերին ակտիվորեն լուսաբանում է Հայաստանում տեղի ունեցող գործընթացները։ Կայքն իր լուսաբանումը իրականացնում է բավականին կողմնակալ՝ չխորշելով գնահատականներ, իսկ երբեմն նաև վիրավորանքներ հնչեցնելուց։ Մայիսի 2-ին՝ երեկոյան, թերթը…


Պուտինի խոստումները և իրականությունը ՌԴ տնտեսության հզորացման մասին

Ինչպես հայտնի է, կիրակի Ռուսաստանում տեղի ունեցած նախագահական ընտրություններում չորրորդ անգամ հաղթեց գործող նախագահ Վլադիմիր Պուտինը: Նա հավաքեց ռեկորդային՝ մոտ 76% քվե։ 18 տարի իշխանության ղեկին լինելով՝  Պուտինը բազմիցս տնտեսական…


Պուտինի հրթիռները 2007թ.-ին էլ էին «նորագույն զենք»

Կրեմլյան ապատեղեկատվության դեմ պայքարող EU vs Disinformation-ը անդրադարձ է կատարել ռուսական մեդիայում նախագահ Պուտինի` մարտի 1-ին ՌԴ Դաշնային խորհրդին ուղղված իր ուղերձում կատարած հայտարարությունների լուսաբանմանը։ Համաձայն կայքի, ռուսական փաստերի ստուգմամբ…