Regnum-ի վերլուծությունն աղավաղում է Նալբանդյանի խոսքը

20.09.2017 | 17:08

Ռուսական Regnum լրատվական գործակալությունը, անդրադառնալով Հայաստանի ԱԳ նախարար Ն․Գ․ պարոն Էդվարդ Նալբանդյանի «Հայաստան-Սփյուռք» համաժողովին Ղարաբաղյան հիմնահարցին վերաբերող հայտարարությանը, հրապարակել է «Լեռնային Ղարաբաղի տարածքների Ադրբեջանին փոխանցելու ռազմական հետևանքները» վերնագրով վերլուծություն, որի հեղինակ Լեոնիդ Ներսիսյանը, խեղաթյուրել է Նալբանդյանի խոսքերը՝ վերջինիս վերագրելով այլ իմաստ։

Այդ վերլուծությունում մասնավորապես ասված է․ «Էդվարդ Նալբանդյանը հնարավոր է համարում Լեռնային Ղարաբաղի Հանրապետության տարածքի մի մասը Ադրբեջանին փոխանցելու հնարավորությունը, բայց միայն այն տարածքները, որոնք չեն ազդի Ղարաբաղի անվտանգության և բանակցային գործընթացի վրա» ։

Գրվածի հատկապես վերջին մասից (չի ազդի բանակցային գործընթացի վրա) այնպիսի տպավորություն է ստեղծվում, որ ըստ  Հայաստանի ԱԳ նախարարի տարածքների զիջումը նախատեսվում է կատարել բանակցային պրոցեսից դուրս՝ ուղղակի։

Իրականում, սակայն, Նալբանդյանը խոսել է Արցախյան հարցի լուծման ԵԱՀԿ Մինսկի խմբի կողմից ընդունված դրույթների մասին՝ ուժի չկիրառում, ազգերի ինքնորոշման իրավունք և տարածքային ամբողջականություն՝ (տես 54։00-ից ), մանրամասնելով դրանցից ամեն մեկի էությունը։ Վերջինիս մասով (տարածքային ամբողջականություն), իրոք նախատեսվում է որոշակի տարածքներ զիջել, սակայն դա բանակցային ամբողջական փաթեթի մաս է կազմում։

Ավելին, նախարարը տարածքների վերադարձի դրույթին, ըստ էության, հավելյալ պահանջ է բարձրացրել։ «Հայաստանի և Ղարաբաղի միջև պետք է լինի կապ, դա անվտանգ կապ պետք է լինի, որպեսզի այն զենքը, որն այսօր ունի Ադրբեջանը, չկարողանա օգտագործի և այդ անվտանգությունը հարցականի տակ դնի», – հավելել է նախարարը։

Նյութի հեղինակը, սակայն, շրջանցելով այս ամենը, վերլուծությունը կառուցել է հենց տարածքների վերադարձի մասով` այն դիտարկելով հիմնահարցի լուծումից անկախ:






Կարդացեք նաև։

Ինչպե՞ս տարածվեցին «Արցախը հանձնելու» մասին կեղծ լուրերը

Վերջին օրերին սոցիալական ցանցերում, ինչպես նաև որոշ լրատվական կայքերի և փորձագետների կողմից քննարկման առարկա դարձավ «Արցախը հանձնելու» թեման։ Նախկին իշխանությունը և իրեն սատարող ակտիվը տարբեր գործիչներին մեղադրեց «հակաարցախյան գործունեության» մեջ։…


Կարպիս Փաշոյանի դեմ մեդիա-տեռորը փորձարկվել է նաև Նիկոլ Փաշինյանի դեմ

Ժամանակակից լրատվությունը սահմանակցում է մի կողմից պրոպագանդայի, մյուս կողմից մանիպուլյացիայի հետ։ Մեդիայի նպատակը հաճախ մի փոքր այլ է, քան օբյեկտիվ տեղեկության մատակարարումը։ Հաճախ այն կարծիքի ստեղծման, կարծրատիպեր կոտրելու, այս կամ…


Ասյա Խաչատրյանը Ադրբեջանում չի եղել՝ հակառակ Գառնիկ Իսագուլյանի

Փետրվարի 1-ից 3-ը Արցախի ոստիկանների կողմից բռնության և անհարգալից վերաբերմունքի արժանացած ՀՀ քաղաքացի, 19-ամյա Ասյա Խաչատրյանի մասին Հայաստանում Արցախի մշտական ներկայացուցչության խորհրդական-խորհրդատու Գառնիկ Իսագուլյանը կեղծ տեղեկություն է ներկայացրել ԶԼՄ-ներին: Իսագուլյանը…


Նախիջևանից 20.000 հեկտար «վերցնելու» մասին ՀՀԿ-ականի մանիպուլյացիան

Հանրապետական կուսակցության պատգամավոր Միհրան Հակոբյանը «Հրապարակ» օրաթերթին տված հարցազրույցում աղմկահարույց հայտարարություն է արել։ Պատասխանելով լրագրողի այն պնդմանը, որ հենց Սերժ Սարգսյանի գերագույն հրամանատարության ժամանակ տեղի ունեցավ ապրիլյան պատերազմը, որտեղ հայկական…