ԵԱՀԿ-ում ՀՀ ներկայացուցիչը խեղաթյուրել է ՀԿ-ի բարձրաձայնած խնդիրները

13.09.2017 | 10:21

Սեպտեմբերի 11-ին Վարշավայում մեկնարկել է ԵԱՀԿ/ԺՀՄԻԳ-ի Մարդկային հանձնառությունների իրականացման շուրջ (HDIM) ամենամյա հանդիպումը: Հանդիպմանը Հայաստանի քաղաքացիական հասարակությունը ներկայացնում են երեք հասարակական կազմակերպություններ, իսկ պաշտոնական Երևանի դիրքորոշումը ներկայացնում է ԵԱՀԿ-ում ՀՀ փոխդեսպան Վահե Գևորգյանը:

Վերջինս, արձագանքելով Հայաստանի քաղաքացիական հասարակության ներկայացրած խնդիրներին, ԵԱՀԿ հարթակում փորձել է աղավաղել «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանի ելույթի բովանդակությունը:

Իոաննիսյանն իր ելույթում, խոսելով Հայաստանում խաղաղ ցույցերի մասնակիցների հետապնդման մասին, ներկայացրել է 2015 թվականի հունիսին և 2016 թվականի հուլիսին Երևանում տեղի ունեցած ցույցերի ընթացքում ոստիկանության իրականացրած բռնությունները և դրանց անպատժելիությունը:

«Հայաստանում խաղաղ ցուցարարներ կան, ովքեր բանտերում են ավելի քան մեկ տարի, մինչդեռ 2015-ի հունիսին և 2016-ի հուլիսին խաղաղ ցուցարարների և լրագրողների նկատմամբ հատուկ միջոցներ և ուժ կիրառած որևէ անձ պատասխանատվության չի կանչվել: Արդյունքում Հայաստանում բազմաթիվ մարդիկ սկսել են վախենալ խաղաղ ցույցերին մասնակցությունից, քանի որ որևէ պատճառ չունեն չմտածելու, որ չեն թունավորվի արցունքաբեր գազից, կամ այրվածքներ, կամ բեկորային վնասվածքներ չեն ստանա լուսաձայնային նռնակից, կամ չեն հայտնվի բանտում, ինչպես վերջին երկու տարիների ընթացքում տեղի է ունեցել հարյուրավոր բացառապես խաղաղ ցուցարարների հետ»,– ասել է Իոաննիսյանը [2:21:20]:

Պատասխանելով հայաստանյան քաղհասարակության ներկայացուցիչների հայտարարություններին՝ Հայաստանը ԵԱՀԿ-ում ներկայացնող Վահե Գևորգյանը, սակայն, աղավաղել է Իոաննիսյանի հայտարարությունը:

«ԵԱՀԿ հանձնառությունները պետք է հիմք լինեն մեր երկխոսության համար և գոյություն չունի ԵԱՀԿ որևէ հանձնառություն, որն աջակցում է զինված ապստամբությունները: Սա իմ սահմանումը չէ, սա սահմանում է, որն այստեղ երեկ ներկայացրել է պարոն Իոաննիսյանը: Եվ ես վերցրել եմ նրա խոսեքերը՝ ցույց տալու ոստիկանական գնդի բռնի գրավումը որպես ազատ արտահայտվելու իրավունք ներկայացումը: Դժվար է գտնել ԵԱՀԿ անդամ որևէ երկիր, որտեղ մի քանի ոստիկանի սպանություն իրականացրած զինված մարդկանց և նրանց աջակցող այլ անձանց կդիտարկեն որպես խաղաղ ցուցարարներ», – իր ելույթում ասել է պարոն Գևորգյանը [3:12:40]:

Թեև դիվանագետը հիշատակում է Իոաննիսյանի՝ նախորդ օրվա ելույթը, սակայն այն հիմնականում Հայաստանում հակաժողովրդավարական քարոզչության մասին էր և որևէ գնահատական՝ կապված զինված խմբերի գործունեության հետ, չի եղել։

Նման կերպ Հայաստանի իշխանության ներկայացուցիչը հանդիպմանը մասնակցող պատվիրակներին շփոթության մեջ է գցել։ Գևորգյանը փորձել է տպավորություն ստեղծել, թե իրականում ոստիկանության գործողություններն ուղղված են եղել ոչ թե խաղաղ ցուցարարների, այլ զինված խմբավորման դեմ։ Արդյուքնում, նա նույնականացրել է խաղաղ ցուցարաներին զինված խմբի հետ՝ արդարացնելով Հայաստանում խաղաղ ցուցարարների նկատմամբ կիրառված անհամաչափ ուժը:

Հարկ է հիշեցնել, որ 2015 թվականի հունիսին «Էլեկտրիկ Երևանի» ժամանակ բերման է ենթարկվել է 237 խաղաղ ցուցարար, մոտ 770 խաղաղ ցուցարար էլ բաժին է տարվել 2016-ի հուլիսին։

Ավելին, 2016-ի ամռանը ոստիկանությունը լրագրողների և խաղաղ ցուցարարների դեմ անհամաչափ ուժ և հատուկ միջոցներ է կիրառել, որի արդյունքում 100-ից ավելի խաղաղ ցուցարարներ տարբեր աստիճանների մարմնական վնասվածքներ են ստացել ու հոսպիտալիզացվել:






Կարդացեք նաև։

Հ1-ը 2017 թ-ի ԱԺ ընտրությունների գնահատականներից միայն դրականն է «հիշում»

Ապրիլի 8-ին Հայաստանի Հանրային հեռուստաընկերության կիրակնօրյա ամփոփ թողարկման՝ «360 աստիճան»-ի շրջանակներում անդրադարձ է կատարվել 2017 թվականի խորհրդարանական ընտրություններին: Ռեպորտաժի հեղինակը նշել է, որ ԵՄ-ն և ԵԱՀԿ/ԺՀՄԻԳ-ը դրական են գնահատել տեղի…


Ռուսական ընտրություններն ըստ Շարմազանովի և իրականում

Հայաստանի Ազգային ժողովի փոխնախագահ Էդուարդ Շարմազանովը, որպես ՀԱՊԿ խորհրդարանական վեհաժողովի դիտորդական առաքելության ղեկավար, դիտարկել է նախօրեին Ռուսաստանում տեղի ունեցած նախագահական ընտրությունները և արել իրականությանը չհամապատասխանող հայտարարություններ: Ռուսական ՌԻԱ գործակալությանը տված…


Սերգեյ Շաքարյանցի «Դավադրությունների տեսությունը» ԵԱՀԿ Մինսկի խմբի մասին

Փետրվարի 8-ին, քաղաքագետ Սերգեյ Շաքարյանցը ռուսական «Սպուտնիկ» լրատվական գործակալության հետ իր հարցազրույցում մի շարք ուշագրավ հայտարարություններ է արել։ «ԵԱՀԿ Մինսկի խմբում ԱՄՆ-ն բացասական դեր է կատարում, Արցախը Միացյալ Նահանգների համար…


Կառավարության նվերը Արթուր Բաղդասարյանին և Նիկոլայ Բորդյուժային

2013 թվականին ՀԱՊԿ քարտուղարությունը Հայաստանի ազգային անվտանգության խորհրդի աշխատակազմի հետ համատեղ Հայաստանում «ՀԱՊԿ ակադեմիա» ստեղծելու մասին որոշում կայացրեց։ Նախատեսվում էր, որ ակադեմիան պետք է մասնագետներ պատրաստեր ՀԱՊԿ անվտանգության ստորաբաժանումների կառույցների…