Պուտինի «Ոչ մանկական զրույց»-ի ստերը

31.07.2017 | 10:48

Հուլիսի 21-ին ռուսական «НТВ» հեռուստաընկերության ուղիղ եթերում ցուցադրվեց Վլադիմիր Պուտինի հանդիպումը Սոչիում գործող «Սիրիուս» ուսումնական կենտրոնի աշակերտների հետ: «Ոչ մանկական զրույց» խորագրով հանդիպման ընթացքում ռուսաստանցի աշակերտներից ոմանք Պուտինին դիմեցին իրենց՝ որոշ դեպքերում իսկապես «ոչ մանկական» հարցերով:

ԲՈւՀ-երում տեղերը

Աշակերտներից մեկի հարցին, թե ինչպե՞ս կարելի է զարգացնել երկիրն ապագայում, եթե ԲՈՒՀ-երում բյուջետային տեղերի քանակը կրճատվում է, իսկ ուսման վարձերն ավելանում են, Պուտինը հայտարարեց, որ երկրում բյուջետային տեղերի քանակը չի կրճատվում:

Աղջկա հակառակ պնդմանն ի պատասախան, որ դրա վերաբերյալ համապատասխան վիճակագրություն կա, Պուտինը շարունակում է վստահեցնել նրան, որ դա այդպես չէ:

«Ո՛չ, բյուջետային տեղերի քանակն ավելանում է»,- հայտարարում է Պուտինը:

Մինչդեռ Ռուսաստանի կրթության և գիտության նախարարության կայքէջում տեղադրված պաշտոնական վիճակագրական տվյալները հակառակն են փաստում: Վերջին 16 տարիների ընթացքում՝ սկսած 2000 թվականից, երբ Վլադիմիր Պուտինը դարձավ ՌԴ նախագահ, մինչ 2016-ը, որի վերաբերյալ հրապարակված պաշտոնական վիճակագրությունն այս պահին վերջինն է, բուհերում բյուջետային ֆինանսավորմամբ սովորող ուսանողների ընդհանուր քանակը կրճատվել է մոտ 32%-ով՝ գրեթե մեկ միլիոն մարդով:

Մամուլի ազատությունը

«Ոչ մանկական զրույց»-ի հարց ու պատասխանի ընթացում Վլադիմիր Պուտինի հնչեցրած այս և այլ ստերի մասին իր վիդեոբլոգում հայտարարեց նաև ռուս ընդդիամդիր քաղաքական գործիչ Ալեքսեյ Նավալնին:

Ի դեպ, նույն զրույցի ժամանակ Պուտինը եթերում հայտարարել էր, որ «Ռուսաստանում չկա գրաքննություն»: Թեև ՌԴ Սահմանադրության 29-րդ հոդվածի 2-րդ կետն իսկապես արգելում է գրաքննությունը, ինչպես նաև պրոպագանդան, սակայն, ըստ «Ֆրիդոմ հաուս»-ի և միջազգային այլ հեղինակավոր կազմակերպությունների՝ Ռուսաստանը  շարունակում է մնալ աշխարհի ամենաանազատ մամուլն ունեցող երկրներից մեկը: Ռուս լրագրողներից ոմանք ևս հաճախ անձամբ հայտարարում  են իրենց մասնագիտական գործունության նկատմամբ գրաքննություն հաստատելու դեպքերի մասին:

Պուտինն, այսպիսով, ստել է ոչ միայն «Սիրիուս»-ի դահլիճում հավաքված աշակերտներին, այլ հանդիպումն ուղիղ եթերում նայող հեռուստադիտողներին:






Կարդացեք նաև։

Պուտինի խոստումները և իրականությունը ՌԴ տնտեսության հզորացման մասին

Ինչպես հայտնի է, կիրակի Ռուսաստանում տեղի ունեցած նախագահական ընտրություններում չորրորդ անգամ հաղթեց գործող նախագահ Վլադիմիր Պուտինը: Նա հավաքեց ռեկորդային՝ մոտ 76% քվե։ 18 տարի իշխանության ղեկին լինելով՝  Պուտինը բազմիցս տնտեսական…


Հայաստանյան TV-ները միակողմանի են լուսաբանել ՌԴ ընտրությունները

Մարտի 18-ին կայացած ՌԴ նախագահի ընտրություններում վերընտրվեց գործող նախագահ Վլադիմիր Պուտինը՝ հավաքելով քվեների մոտ 76 տոկոսը։          Պատմելով Վլադիմիր Պուտինի ընտրություններում գրանցած հաղթանակի մասին՝ հայաստանյան հեռուստաընկերությունները միակողմանի են լուսաբանել այդ…


Ռուսական ընտրություններն ըստ Շարմազանովի և իրականում

Հայաստանի Ազգային ժողովի փոխնախագահ Էդուարդ Շարմազանովը, որպես ՀԱՊԿ խորհրդարանական վեհաժողովի դիտորդական առաքելության ղեկավար, դիտարկել է նախօրեին Ռուսաստանում տեղի ունեցած նախագահական ընտրությունները և արել իրականությանը չհամապատասխանող հայտարարություններ: Ռուսական ՌԻԱ գործակալությանը տված…


Պուտինի հրթիռները 2007թ.-ին էլ էին «նորագույն զենք»

Կրեմլյան ապատեղեկատվության դեմ պայքարող EU vs Disinformation-ը անդրադարձ է կատարել ռուսական մեդիայում նախագահ Պուտինի` մարտի 1-ին ՌԴ Դաշնային խորհրդին ուղղված իր ուղերձում կատարած հայտարարությունների լուսաբանմանը։ Համաձայն կայքի, ռուսական փաստերի ստուգմամբ…