Հայ-բելառուսական հարաբերությունների մասին փոքրիկ սուտ դեսպանից

10.07.2017 | 14:01

Հուլիսի 6-ին Երևանում կայացած ԵԱՏՄ-ին անդամակցության երկու տարիները ամփոփող քննարկմանը Հայաստանում Բելառուսի դեսպան Իգոր Նազարուկը հայտարարել էր, որ «Հայաստանի անդամակցությունը դրական ազդակ է հաղորդել Հայաստանի և Բելառուսի երկկողմանի հարաբերություններին, որոնք առանց այդ էլ դրական բնույթ ունեին»: Որպես օրինակ նա բերել էր վերջին տարիներին Հայաստան-Բելառուս առևտրի աճը:

Այդուհանդերձ, Հայաստանի և Բելառուսի միջև առևտրի աճի մասին այս պնդումը բազմաթիվ կասկածներ է հարուցում: Ըստ ՀԵՏՔ-ում վերջերս հրապարակված հետազոտության՝ Հայաստանից Բելառուս այս տարվա հունվար-ապրիլ ամիսներին արտահանվել է 1.7 մլն դոլարի ապրանք՝ նախորդ տարվա նույն ժամանակաշրջանի համեմատ 25.5%-ով ավելի քիչ։ Ավելին, 2015 թվականին Հայաստանից դեպի Բելառուս արտահանումն արդեն իսկ կրճատվել էր 39․6%-ով:

Ուշագրավ է նաև, որ Բելառուսի մասնաբաժինը 2016 ՀՀ-ԵԱՏՄ առևտրաշրջանառության մեջ չնչին է՝ ընդամենը 3․6%, իսկ Հայաստանի մասնաբաժինը Բելառուսի համար 0.2% է:

Բացի այդ, Հայաստան-Բելառուս դիվանագիտական հարաբերությունները վերջին երկու տարիներին երկու դիվանագիտական սկանդալի են բախվել: Առաջինը 2016թ․ ապրիլյան պատերազմի ընթացքում Բելառուսի ադրբեջանամետ հայտարարությունն էր, որի համար Բելառուսի դեսպանին անգամ ԱԳՆ էին հրավիրել բացատրություններ տալու համար: Երկրորդն արդեն այս տարի էր, երբ Արցախի ինքնիշխանությունը ճանաչելու կոչեր արած բլոգեր Ալեքսանդր Լապշինին Մինսկից Բաքու արտահանձնեցին: Այս ընթացքում բավականին կոշտ հայտարարություններով հանդես եկան իշխանության ներկայացուցիչները, իսկ ընդդիմությունը նույնիսկ բողոքի ակցիա կազմակերպեց  Բելառուսի դեսպանատան առջև։

Հետևաբար, Հայաստանում Բելառուսի դեսպանի՝ հայ-բելառուսական դրական հարաբերությունների մասին հայտարարությունը, մեղմ ասած, իրականությունից կտրված է:






Կարդացեք նաև։

Աշոտյանը ԵԱՏՄ-ի բնույթի հարցում հակասում է թե՛ ինքն իրեն, թե՛ ՀՀԿ-ին

Սկսած 2013 թվականի սեպտեմբերի 3-ից, երբ Սերժ Սարգսյանը հայտարարեց Հայաստանի՝ Մաքսային միությանն անդամակցության և Եվրասիական ինտեգրացիոն ուղղությունը բռնելու մասին, իշխանությունները հակասական հայտարարություններ են անում այդ կառույցի բացառապես տնտեսական լինելու և…


Շարմազանովի սուտը ԵԱՏՄ-ից օգուտների մասին

Օրերս տեղի ունեցած ՀՀԿ գործադիր մարմնի հերթական նիստի ավարտին ՀՀ Ազգային ժողովի փոխնախագահ Էդուարդ Շարմազանովը, անդրադառնալով ԵԱՏՄ-ից դուրս գալու ընդդիմության առաջարկին, հայտարարեց, որ Հայաստանի ԵԱՏՄ-ին անդամակցելու որոշումը չի եղել զուտ…


Լապշինն այլևս Կրեմլի «թեման չէ»

Հուլիսի 20-ին Ադրբեջանում 3 տարվա ազատազրկման դատապարտվեց Ռուսաստանի, Ուկրաինայի և Իսրայելի քաղաքացի հանդիսացող բլոգեր Ալեքսանդր Լապշինը: Նախորդ տարվա վերջին Լապշինին ձերբակալել էին Բելառուսի մայրաքաղաք Մինսկում, ապա արտահանձնել Բաքու, որտեղ նրան…


Հայ-ռուսական տնտեսական կապերի մասին 3 սուտ նախագահից

Այսօր ՀՀ նախագահ Սերժ Սարգսյանը Հայաստանի արտաքին քաղաքականության տնտեսական բաղադրիչին նվիրված քննարկումների շրջանակներում հանդիպել է Ռուսաստանի Դաշնությունում ՀՀ արտակարգ և լիազոր դեսպան Վարդան Տողանյանի հետ: Այդ հանդիպման շրջանակներում ՀՀ նախագահը,…