ՃՈ-ն և դատարանը չեն տարբերել Միհրան Պողոսյանի Զապորոժեցը Range Rover-ից

07.07.2017 | 14:40

2015 թվականի հուլիսի 15-ին ԴԱՀԿ պետին պատկանող սպիտակ գույնի ZAZ («Զապորոժեց») մակնիշի 55UL333 մեքենայի վարորդը Սևան-Երևան մայրուղում երթևեկել էր 153 կմ/ժ արագությամբ, ինչի արդյունքում տուգանվել էր 200 հազար դրամով։

Միհրան Պողոսյանը, սակայն, չի մուծել տուգանքը, իսկ Ճանապարհային ոստիկանությունը հայցադիմում է ներկայացրել ՀՀ վարչական դատարան ընդդեմ ԴԱՀԿ նախկին պետի՝ պահանջելով տուգանքի գումարն ու տույժերը։ Դատարանը բավարարել է այս հայցը, իսկ Միհրան Պողոսյանի բողոքից հետո, վերաքննիչ վարչական դատարանը բեկանել է որոշումն ու Պողոսյանը այդպես էլ չի վճարել տուգանքը։

Այս պատմության մեջ կա մի շատ հետաքրքրական հանգամանք․ ինչպե՞ս է «Զապառոժեցը» երթևեկել 153 կմ/ժ արագությամբ (ինչպես նաև բոլորի համար էլ շատ դժվար է պատկերացնել օֆշորային սկանդալի հերոսին «Զապի» ղեկին)։

Մենք կարողացանք գտնել վարչական տույժ նշանակելու մասին որոշումն ու արագաչափի լուսանկարը և առանց մեծ ջանքերի պարզեցինք, որ 55UL333 պետհամարանիշով Սևան-Երևան ավտոճանապարհին 153կմ/ժ արագությամբ երթևեկել է ոչ թե սպիտակ «Զապորոժեց», այլ սև Range Rover:

Ավելին, մենք գտանք տեսախցիկների կողմից արձանագրված 14 խախտման տեսագրություններ ու տեսանյութեր, ուր 55UL333 համարանիշով սև գույնի Range Rover-ի խախտման համար տուգանքի որոշման մեջ գրված է «սպիտակ ZAZ»:

Ֆիզիկապես անհնար է, որ խախտումները արձանագրող Ճանապարհային ոստիկանության տեսուչները չնկատեին, որ սև գույնի Range Rover-ը երթևեկում է սպիտակ գույնի Զապորոժեցի համարանիշներով: Դա նաև չէին կարող չնկատել գործը քննող դատավորները, իսկ այդ արարքը, իր հերթին, համաձայն Վարչական իրավախախտումների վերաբերյալ օրենսգրքի 123.5 հոդվածի 4-րդ մասի՝ նախատեսում է տուգանք 200 հազար դրամի չափով:

Սակայն ոչ ոստիկանները, ոչ էլ դատավորները ամիսներ շարունակ չեն նկատել նախկին ԴԱՀԿ ծառայության պետի մեքենայի այդ խախտումը:

Ավելին, հարց է առաջանում, թե ինչո՞ւ է Միհրան Պողոսյանի Զապորոժեցի համարները հայտնվել Range Rover-ի վրա և արդյո՞ք այդ արարքում կա այլ իրավախախտում կոծկելու նպատակ:

Հիշեցնենք, որ 2016 թվականին արդարադատության գեներալ-մայոր Միհրան Պողոսյանը հայտնվեց օֆշորային սկանդալում, որի արդյունքում հրաժարական տվեց, իսկ 2017 թվականին Հանրապետական կուսակցությունից ընտրվեց Ազգային ժողովի պատգամավոր:

Ծաղրանկարը՝ Մեդիալաբի






Կարդացեք նաև։

Ոստիկանությունը հիմնվում է գոյություն չունեցող վիճակագրության վրա

Ինչպես հայտնի է փետրվարի 8-ից ոստիկանությունը սկսել է կիրառել շարժական լուսանկարահանող արագաչափը: Այն տեղադրված է առանց տարբերանշանների ավտոմեքենայի մեջ, կայանում է տարբեր ճանապարհահատվածներում և տուգանում կարգազանց վարորդներին։ Որպես փաստարկ Ճանապարհային…


Ազգային Ժողովին տված ոստիկանական սուտ խոստումը

Օրերս Հայաստանի Ոստիկանությունը տարածեց մամուլի հաղորդագրություն, որում մասնավորապես հայտնեց, որ «պատահարների նախականխման ուղղությամբ իրականացվող միջոցառումների շրջանակներում Ճանապարհային ոստիկանության կողմից փետրվարի 8-ից կկիրառվի շարժական լուսանկարահանող-արագաչափ սարք»: Ի տարբերություն տարիներ շարունակ գործող…


Վարորդը պարտավոր չէ տրամադրել վարորդական վկայականը. ոստիկանության կեղծ իրազեկումը

Օրերս ոստիկանությունը տեսանյութ է հրապարակել, որտեղ «իրազեկում»  է վարորդներին։ Հիմնվելով Ճանապարհային երթևեկության անվտանգության ապահովման մասին ՀՀ օրենքի 24-րդ հոդվածի 5-րդ մասի վրա՝ ոստիկանությունը մասնավորապես հայտնում է․ տրանսպորտային միջոցի վարորդը պարտավոր…


ՊԵԿ-ի բանանային սուտը

Շաբաթներ առաջ ՀՀ ԿԱ պետական եկամուտների կոմիտեն հանդես եկավ հայտարարությամբ, որում ասվում էր, որ «անհայտ անձինք փորձում են խոչընդոտել բանանի ներկրման գործընթացը: Ձեռնարկված միջոցառումների արդյունքում, օրենքի շրջանակում, տնտեսվարողը ստացել է…