Մամուլին շփոթեցրել է ռազմական ու արտակարգ դրության մասին օրենքի նախագիծը

15.06.2017 | 18:12

Այսօր մամուլը ի թիվս կառավարության այլ որոշումների անդրադարձավ նաև ««Ռազմական դրության իրավական ռեժիմի մասին» ՀՀ օրենքում փոփոխություններ և լրացումներ կատարելու մասին» նախագծի մասին և «Արտակարգ դրության իրավական ռեժիմի մասին» ՀՀ օրենքում փոփոխություններ կատարելու մասին» նախագծի վերաբերյալ ՀՀ կառավարության օրենսդրական նախաձեռնություններին։

Հարկ ենք համարում անդրադառնալ լրատվականների հրապարակումներին, քանի որ դրանց ձևակերպումները այս հարցի շուրջ կարող են ապակողմնորոշել ընթերցողներին։

Մասնավորապես, 168․am կայքում գրված է․ «Այս հանգամանքով պայմանավորված` Նախագահի որոշ գործառույթներ, լիազորություններ այլևս պետք է իրականացնեն, մի դեպքում, ՀՀ կառավարությունը, մյուս դեպքում` ՀՀ վարչապետը»։ Asekose.am կայքը գրել է․ «ռազմական և արտակարգ դրություն հայտարարելու իրավունքն այսուհետ իրականացնելու է ՀՀ կառավարությունը»: Բավական ապակողմնորոշող են նաև YerevanToday-ի և iravaban.net-ի «Կառավարությունը կրճատում է նախագահի լիազորությունները», «Նախագահի փոխարեն ռազմական դրություն կհայտարարի կառավարությունը» վերնագրերը։ Այսպիսի ձևակերպումները ընթերցողի մոտ կարող են տպավորություն թողնել, որ հենց այս պահից սկսած կամ Ազգային ժողովում օրենքների նախագծերի հաստատումից անմիջապես հետո դրանք կմտնեն ուժի մեջ։

Իրականում, նախագծերում հստակ գրված է, որ փոփոխություններն ուժի մեջ են մտնում Հայաստանի Հանրապետության Սահմանադրության 119-րդ և 120-րդ հոդվածների ուժի մեջ մտնելու օրվանից։ Սահմանադրության այս հոդվածները, համաձայն նույն Սահմանադրության 209-րդ հոդվածի 6-րդ մասի՝ ուժի մեջ են մտնելու 2018թ․-ի ապրիլի 9-ին՝ նախագահի լիազորությունների ավարտի օրը։

Այլ կերպ ասած, ո՛չ կառավարության որոշմամաբ, ո՛չ ընդունվելիք օրենքով, ո՛չ էլ Սահմանադրությամբ մինչև 2018 թվականի ապրիլի 9-ը հանրապետության նախագահի լիազորությունները չեն կրճատվում և կառավարությանը կամ վարչապետին չեն փոխանցվում:






Կարդացեք նաև։

Մամուլը «խնջույքը» վերածեց «հաճույքի»

Օրերս Երևանի Կենտրոն և Նորք-Մարաշ վարչական շրջանների ընդհանուր իրավասության դատարանում տեղի ունեցավ «Զինված խմբի» գործով հերթական դատական նիստը։ Գործով մեղադրվող Նելլի Մինասյանը նիստից հետո լրագրողների հետ զրույցում նշեց, որ իր…


«Լավագույն կրթություն» խոստացող Կարեն Կարապետյանը կրճատում է կրթության ֆինանսավորումը

Հուլիսի 29-ին Վայոց Ձորի մարզում կայացած աշխատանքային խորհրդակցության ընթացքում վարչապետ Կարեն Կարապետյանին մարզի կրթության ոլորտի պատասխանատուները հայտնել են, որ «օպտիմալացման արդյունքում» կրթության ոլորտում տնտեսվել է 56 մլն դրամ, ինչին ի…


«Միր»-ը կեղծել է Թբիլիսիի շոգից բողոքող երիտասարդի պահանջը

ԱՊՀ երկրների համար միջպետական նշանակություն ունեցող ռուսալեզու «Միր» հեռուստաընկերությունը, որի ֆինանսավորումը գոյանում է նաև ՀՀ հարկատուների հաշվին, կեղծ հեռուստառեպորտաժ է հեռարձակել Վրաստանի կոմունալ ծառայությունների առաջացրած խնդիրների մասին` խեղաթյուրելով իրականությունը: Օգտագործելով…


Որոշ ԶԼՄ-ներ Իրաքի տանկերն «ուղարկեցին» Իրան

Հուլիսի 20-ին ռուսական «Իզվեստիա» պարբերականը հայտնեց, որ Ռուսաստանը Իրաքին T-90 տանկեր է վաճառել: Մոսկվայի և Բաղդադի միջև պայմանագրի ստորագրման փաստը հաստատել էր ՌԴ նախագահի ռազմա-տեխնիկական համագործակցության հարցերով օգնական Վլադիմիր Կոժինը:…