Դեսպանը չի ասել, որ Ռուսաստանում ավելի շատ հայ է ապրում, քան Հայաստանում

02.06.2017 | 16:48

-Այսօր մի շարք հայկական ԶԼՄ-ներ տարածեցին տեղեկություն, ըստ որի ՌԴ-ում Հայաստանի արտակարգ և լիազոր դեսպան Վարդան Տողանյանը հայտարարել է, որ Ռուսաստանում ապրում է շուրջ 2,5 մլն հայ՝ ավելի շատ, քան Հայաստանում։

«Эхо Москвы» ռադիոկայանի հարցին, թե որքա՞ն հայ է բնակվում Ռուսաստանում՝ դեսպանն իսկապես պատասխանում է՝ մոտ 2,5 միլիոն մարդ, սակայն Տողանյանը չի ասել, որ «այդ թիվը ավելին է, քան Հայաստանում բնակվողներինը»։

Դեսպանը մասնավորապես նշել է, – «Мы считаем, что в целом около 2,5 млн армян проживают в России, включая граждан России – их здесь больше, чем граждан Армении»։

Հավանաբար հենց այս արտահայտությունն է շփոթեցրել հայկական լրատվականների թարգմանիչներին։ Ճիշտ թարգմանությունը հետևյալն է․ «Մենք կարծում ենք, որ ընդհանուր առմամբ մոտ 2,5 միլիոն հայ է ապրում Ռուսաստանում, այդ թվում՝ Ռուսաստանի քաղաքացիներ: Նրանք այստեղ ավելի շատ են, քան Հայաստանի քաղաքացիները»։

Միտքը այն է, որ Ռուսաստանում բնակվող հայերի մեջ ավելի շատ են ՌԴ-ի քաղաքացիները, քան Հայաստանի քաղաքացիները։

Նշենք, որ չճշտված և կեղծ տեղեկատվություն տարածեցին շատերը՝ armtimes.com, Slaq.am, 1in.am, newsroyal.am և այլն։

Այս մասին ռուսալեզու լրատվականները գրել են դեռևս երեկվանից, որտեղ միտքը ճիշտ է արտահայտված, սակայն, աստիճանաբար տեղափոխվելով հայալեզու կայքեր՝ աղավաղվել է և վերածվել ստի, որն այժմ լայնորեն քննարկվում է սոցիալական կայքերում։






Կարդացեք նաև։

Ատոմակայանի փակվելը կախված չէ ԵՄ-Հայաստան համաձայնագրից

Օրերս հրապարակվեց Հայաստանի և ԵՄ–ի միջև ստորագրվելիք շրջանակային համաձայնագրի տեքստը, որը բուռն քննարկման (նաև քննադատության) առիթ դարձավ։ Համաձայնագրի 386 կետերից ուշադրության կենտրոնում հայտնվեց թերևս մեկը՝  Մեծամորի ատոմակայանին վերաբերողը։ Բարձրագոչ հայտարարություններվ…


Հայկական ԶԼՄ-ները շրջանառում են «Հրապարակի» տարածած ապատեղեկատվությունը

«Հրապարակ» օրաթերթը հոկտեմբերի 10-ի համարում, ինչպես նաև օրաթերթի կայքէջում հրապարակել է ««Կայֆոտ» տնային հանձնարարություն Սվիտալսկուց» վերնագրով նյութը: Նյութի հեղինակը պնդում է, որ Հայաստանի և Եվրամիության միջև վիզայի ազատականացման նախապայմաններից մեկը…


«Արարատ» հեռուստաընկերությունը արշավ է սկսել հասարակական կազմակերպությունների դեմ

«Արարատ» հեռուստաընկերությունը և որոշ ռուսալեզու լրատվամիջոցներ, վերջին ամսում արշավ են սկսել Հայաստանում գործող մի շարք հասարակական կազմակերպությունների դեմ: Եթերում և մամուլում տարածվող մի շարք ապատեղեկատվությունների շնորհիվ այս ԶԼՄ-ները փորձում են…


Ռուսալեզու որոշ ԶԼՄ-ներ ապատեղեկատվություն են տարածում Հայաստանի՝ ԵԱՏՄ-ից դուրս գալու նախագծի քննարկման վերաբերյալ

Սեպտեմբերի 27-ին ԱԺ Արտաքին հարաբերությունների մշտական հանձանժողովը բացասական եզրակացություն տվեց  նախագծին, որը նախատեսում էր ԵԱՏՄ-ին Հայաստանի անդամակցության օգուտները և վնասները ուսումնասիրելու համար ժամանակավոր հանձնաժողով ստեղծել: Ազգային ժողովի «Ելք» խմբակցության առաջարկած…