Հայաստանում ներդրումները ոչ թե չեն ավելանում, այլ նվազում են

02.06.2017 | 16:10

Այս տարվա հունվարի 25-ին Մոսկվայում ՀՀ վարչապետ Կարեն Կարապետյանի այցի ժամանակ մեծ շուքով հայտարարվեց հայ-ռուսական ներդրումային ակումբի ստեղծման մասին: Հայկական ժամանակը ուսումնասիրել է հայտարարությունից հետո ներդրումային ծրագրերի ընթացքը։

Ըստ այդ նախաձեռնության ծրագրի` ռուսաստանաբնակ հայ գործարարները պետք է ահռելի ներդրումներ կատարեին Հայաստանում: Այդ կապակցությամբ նրանք ընդունեցին նաև հայտարարություն՝ պատրաստակամություն հայտնելով «ուժերի ներածին չափով մասնակցել ՀՀ կառավարության հետ համատեղ նախաձեռնություններին և բիզնես ծրագրերին»:

Ըստ ՀԺ-ի՝ Հայաստանում 2017 թվականին կատարված ներդրումների մասին պաշտոնական վիճակագրությունը բոլորովին այլ պատկեր է ցույց տալիս:

Այսպես, ըստ պաշտոնական տվյալների՝ անցած տարվա առաջին եռամսյակի համեմատ ընթացիկ տարվա նույն ժամանակահատվածում Ռուսաստանից Հայաստան ներդրումների ծավալը նվազել է մոտ 8 անգամ՝ 12,7 միլիարդից հասնելով 1,6 միլիարդ դրամի:

Բացի սա, ընդհանուր առմամբ, 2017 թվականին Հայաստանում օտարերկրյա ներդրումների ծավալը նվազել է 7,5 միլիարդ դրամով: Ավելին, ներդրումների ներհոսքը Հայաստան 2017-ի առաջին երեք ամիսներին եղել է ավելի քիչ, քան գումարների դուրսբերումը:

Ստացվում է, որ վարչապետ Կարեն Կարապետյանի հայտարարությունները, թե Հայաստանում 3 միլիարդ դոլարից ավել ներդրումներ են կատարվելու, ոչ միայն չեն համապատասխանում իրականությանը, այլև տրամագծորեն այլ զարգացումներ են տեղի ունենում: Իսկ ավելի ճիշտ տեղի է ունենում հետընթաց:






Կարդացեք նաև։

Կառավարությունը հաստատել է գոյություն չունեցող ներդրումային ծրագիր

Մարտի 22-ին ՀՀ կառավարությունը հավանության է արժանացրել Երևանի քաղաքապետ Տարոն Մարգարյանի կողմից ներկայացված ներդրումային ծրագիրը և հողամաս օտարելու մասին հարցը: Սակայն, ինչպես պարզվեց, հավանության արժանացած ներդրումային ծրագիրը փաստացի գոյություն չունի,…


Պուտինի խոստումները և իրականությունը ՌԴ տնտեսության հզորացման մասին

Ինչպես հայտնի է, կիրակի Ռուսաստանում տեղի ունեցած նախագահական ընտրություններում չորրորդ անգամ հաղթեց գործող նախագահ Վլադիմիր Պուտինը: Նա հավաքեց ռեկորդային՝ մոտ 76% քվե։ 18 տարի իշխանության ղեկին լինելով՝  Պուտինը բազմիցս տնտեսական…


Պուտինի հրթիռները 2007թ.-ին էլ էին «նորագույն զենք»

Կրեմլյան ապատեղեկատվության դեմ պայքարող EU vs Disinformation-ը անդրադարձ է կատարել ռուսական մեդիայում նախագահ Պուտինի` մարտի 1-ին ՌԴ Դաշնային խորհրդին ուղղված իր ուղերձում կատարած հայտարարությունների լուսաբանմանը։ Համաձայն կայքի, ռուսական փաստերի ստուգմամբ…


Նժդեհի արձանի դեմ ստորագրահավաքը լի է ստերով

Ռուսական որոշ շրջանակներում տեղ գտած աղմուկը (կամ, անգամ հիստերիան)՝ Գարեգին Տեր-Հարությունյանի (Նժդեհի) անձի ու գործունեության նկատմամբ, չի դադարում: Այդ երկրում անգամ ստորագրահավաք են սկսել, որպեսզի պահանջեն հայկական իշխանություններից՝ հանել Նժդեհի…