Զինված ուժերում այս տարի ոչ թե 26, այլ 29 զոհ է եղել

30.05.2017 | 17:45

Երեկ Tert.am-ը հրապարակեց 2017 թվականի ընթացքում Հայաստանի և Արցախի Զինված ուժերում զոհերի քանակը, ըստ որի եղել է 26 զոհ, որոնցից 12-ը մահացել են հակառակորդի կրակից, իսկ 14-ը՝ այլ պատահարներից:

Թեպետ, լրատվամիջոցները հղում են տալիս Արցախի և Հայաստանի Պաշտպանության նախարարություններին, ինչպես նաև ՀՀ Քննչական կոմիտեի հրապարակած տվյալներին, սակայն այդ թվերը ոչ ամբողջությամբ են արտացոլում իրականությունը:

Մասնավորապես, տարիներ շարունակ Զինված ուժերում կորուստների մոնիտորինգ իրականացնող Հելսինկյան քաղաքացիական ասամբլեայի Վանաձորի գրասենյակը այս տարի արձանագրել է թվով 29 զինվորականի մահ, որոնցից 12-ը ոչ մարտական կորուստներն են, իսկ 17-ը՝ մարտական:

Լրատվամիջոցի կողմից հրապարակված նյութում, մասնավորապես, բացակայում են տեղեկություններ այս տարի մահացած 1997 թվականի ծնված Գուրգեն Սարգսյանի, 1998 թվականի ծնված Սարգիս Ափինյանի և 1986 թվականի ծնված Արմեն Ծատուրյանի մահվան դեպքերի մասին, որոնք դուրս են մնացել պաշտոնական վիճակագրությունից:

Այս երեք զինվորականների մահվան մասին մանրամասն տեղեկություններ կհրապարակվեն ՀՔԱՎ-ի հերթական հաշվետվության մեջ:






Կարդացեք նաև։

Հ1-ը լռում է զինծառայողի վիրավորման հանգամանքների մասին

Վերջին օրերին հայկական ԶԼՄ-ների ուշադրության կենտրոնում հայտնվեց նախկին զինծառայող Ալբերտ Դալլաքյանի վիրահատության համար անհրաժեշտ գումարի հանգանակության կազմակերպումը։ Դրամահավաքին միանալու կոչ էր արել էր նաև պաշտպանության նախարար Վիգեն Սարգսյանը։ Սարգսյանի կոչից…


ԶԼՄ-ներին ապակողմնորոշող լուր են տարածում Հայաստանի «ազատության ցուցանիշի» վերաբերյալ

Դեկտեմբերի 21-ին news.am լրատվական կայքը լուր է հրապարակել, որում հայտնում է, որ «Հայաստանը զբաղեցրել է 22-րդ հորիզոնականը «Ազատության բարոմետրի» վարկանիշում»։ «Ֆրիդրիխ Նաումանի հիմնադրամի «Ազատության բարոմետրի» կազմած 2017 թվականի վարկանիշում ազատության…


Կառավարությունը և «Ռազմինֆոն» հրապարակում են «գաղտնի» տեղեկություններ (թարմացված է)

Այս տարվա հոկտեմբերին պաշտպանության նախարարությունը կառավարությանն առաջարկել է 5 տարով երկարացնել «65 Ռազմական գործարան» ընկերության ռազմամթերքի արտադրության արտոնագիրը: «Ընկերությունը հիմնականում զբաղվում է հրաձգային զենքի, հրետանու առանձին համակարգերի նորոգմամբ և զորքերում…


Ադրբեջանում ստում են Բաքվում բնակվող 20 հազար հայերի մասին

Ադրբեջանի գիտությունների ազգային ակադեմիայի աշխարհագրության ինստիտուտի մարդկանց աշխարհագրության բաժնի ղեկավար Զաքիր Էմինովը նոյեմբերի 22-ին ակադեմիայում տեղի ունեցած սեմինարի ժամանակ որոշ ուշագրավ տվյալներ էր ներկայացրել Ադրբեջանի բնակչության վերաբերյալ: Մասնավորապես, Էմինովը պնդել…