Ուկրաինայի և Ռուսաստանի միջև երկաթուղային հաղորդակցության դադարեցման մասին կեղծ տեղեկություններ են տարածվել

30.05.2017 | 13:06

Մայիսի 17-ին ռուսական «Zvezda» հեռուստաընկերությունը տեղեկություն տարածեց, իբրև Ուկրաինան խզում է երկաթուղային հաղորդակցությունը Ռուսաստանի հետ: Անդրադառնալով դրան՝ ուկրաինական StopFake կայքը հայտարարեց, որ տեղեկությունը կեղծ է, որպես ապացույց բերելով պաշտոնական Կիևից ստացված հերքումը։

Ի հեճուկս հերքմանը՝ ռուսական մի շարք լրատվականներ շարունակեցին տարածել կեղծիքը՝ հղում տալով «Zvezda»-ին։

Թվում էր, թե քարոզչական այս հոսքը դադարել է, երբ մի քանի օր առաջ նույն ապատեղեկատվությունը տարածեց «Kommersant» թերթը՝ հղում տալով սեփական աղբյուրներին։ Այստեղ գործի անցավ  նաև ռուսական քարոզչական «ծանր հրետանին»՝ Lenta.ru, Ria.ru, Mk.ru, Eadaily.com, novayagazeta.ru և այլն։

Lenta.ru կայքը նույնիսկ հասցրեց մի ամբողջ «վերլուծություն» ներկայացնել այս թեմայով, որտեղ  հղում է տալիս ուկրաինական ԶԼՄ-ներին: Անցնելով այդ հղմամբ՝  տեսնում ենք նույն կայքի մեկ այլ հոդված, որտեղ էլ իր հերթին հղումը տրված է «Kommersant»-ի սեփական «աղբյուրներին»:

Նշենք նաև, որ ապատեղեկատվության այս «պտտական» հոսքից անմաս չմնացին նաև մի շարք հայկական լրատվամիջոցներ՝ 1in.am, Shamshyan.com, Lragir.am և այլն։






Կարդացեք նաև։

Ատոմակայանի փակվելը կախված չէ ԵՄ-Հայաստան համաձայնագրից

Օրերս հրապարակվեց Հայաստանի և ԵՄ–ի միջև ստորագրվելիք շրջանակային համաձայնագրի տեքստը, որը բուռն քննարկման (նաև քննադատության) առիթ դարձավ։ Համաձայնագրի 386 կետերից ուշադրության կենտրոնում հայտնվեց թերևս մեկը՝  Մեծամորի ատոմակայանին վերաբերողը։ Բարձրագոչ հայտարարություններվ…


Ինցեստ-շքերթներ, Հայաստանին ռուսական օգնություն․ «Սպուտնիկի» ապատեղեկատվությունները

Ռուսական «Սպուտնիկ» գործակալության հայկական ծառայությունը վերջին օրերին հասարակական բարձր հնչեղություն ունեցող թեմաներով մի քանի նյութ է հրապարակել և ապատեղեկատվություն տարածել։ Հայաստանին ինցեստ-շքերթներ են սպասվում, կամ ո՞ւր կտանի մեզ ԼԳԲՏ–ի քարոզը…


Հայկական ԶԼՄ-ները շրջանառում են «Հրապարակի» տարածած ապատեղեկատվությունը

«Հրապարակ» օրաթերթը հոկտեմբերի 10-ի համարում, ինչպես նաև օրաթերթի կայքէջում հրապարակել է ««Կայֆոտ» տնային հանձնարարություն Սվիտալսկուց» վերնագրով նյութը: Նյութի հեղինակը պնդում է, որ Հայաստանի և Եվրամիության միջև վիզայի ազատականացման նախապայմաններից մեկը…


Ինչպես է աշխատում լրատվական պրոպագանդան

Արդի աշխարհում ամենից թանկ և չբավարարող գործոններից մեկը ժամանակն է։ «Ժամանակս քիչ է», «ժամանակս չի հերիքում» արտահայտությունները դարձել են հասարակության ամենից հաճախ օգտագործվող խոսքերը։ Այս իրականությունից բխում են մի շարք…