«Սուտ.am»-ը (Sut.am) փաստերի ստուգմամբ զբաղվող անկախ զանգվածային լրատվության միջոց է, որը հիմնադրել է «Իրազեկ քաղաքացիների միավորում» Խորհրդատվական Հասարակական կազմակերպությունը: «Սուտ.am»-ը հանդիսանում է փաստերի ստուգման ոլորտի առաջատարը Հայաստանում։

 

«Սուտ.am»-ի հիմնական նպատակն է բացահայտել պաշտոնյաների, պաշտոնական մարմինների ու լրատվամիջոցների հրապարակած իրականությանը չհամապատասխանող տեղեկությունները:

 

Նյութեր պատրաստելիս մեր լրագրողները սահմանափակված են լրագրողական էթիկայի կանոններով, ինչպես նաև Հայաստանի Հանրապետության օրենսդրությամբ: Մենք չենք ներկայացնում որևէ քաղաքական կուսակցության կամ այլ խմբի շահեր:

 

Գերակա շահը, որով առաջնորդվում են մեր լրագրողները՝ ակնհայտ ապատեղեկատվության տարածման կանխարգելումն է:

 

Տեղեկատվության տարածմամբ մեր թիմը չպիտի նպաստի, դրդի կամ արդարացնի ագրեսիվ պատերազմները, մարդու իրավունքների ոտնահարումները, ինչպես նաև մարդկության կամ բնության դեմ հանցագործությունները:

 

«Սուտ.am»-ը չի հրապարակում այնպիսի նյութեր, որոնք խախտում են մարդկանց անձնական կյանքի գաղտնիությունը, կամ արժանապատվության իրավունքը:

 

Կապը մեզ հետ՝

 

Մամուլի հաղորդագրությունների կամ ստի ու կեղծիքի մասին հայտնելու համար՝ sutarmenia@gmail.com

Հեռախոսահամար՝ +374 (0) 11 355040